網誌分類：未分類 |
圖片
網誌日期：2009-10-10 17:43
噚晚同咗家姐去灣仔會展嗰度睇MJ 「The Ultimate Michael Jackon Tribute Concet」。嗯...唔講唔知，原來我家姐佢好鐘意MJ 架!!嘻嘻...難得有咁嘅機會喺香港舉行演唱會咪睇吓囉。
舞台王者‧MICHAEL JACKSON
自己都係第一次去灣仔會展嗰度睇演唱會，感覺唔錯吖。嗰度嘅地方大之餘，而且環境仲好靚添。哈哈...嗰晚我見到名星到場呢，包括有杜德智、何傲兒、熊穎詩、翁嘉穗((2007年香港小姐冠軍)......真係星光熠熠呢。
嗯...喺呢度影番張相先!!
MICHAEL JACKON 紀念物品
灣仔會展場館
MJ 演唱會呀...GOOD SHOW!!
嗯...嗰晚氣氛都唔錯架。Tony McKay 唱咗好多首經典歌曲，當中唔少有「I'll be there」、「Billie Jean」、「Beat it」、「Smooth Criminal」、「You are not alone」等等。哈哈...咁當然唔少得勁歌熱舞啦!!嗯...雖然當晚佢唱歌唔係咁好聽，有部份pitch 走咗，但係佢跳舞好勁架。唔...都有少少似Michael Jackon 嘅影子。
哈哈...其實講真啦，佢嘅聲線同埋舞步當然冇原裝嘅Michael Jackon 咁勁啦，但係佢已經好用心、好落力去演繹出嚟。^^
係呀，嗰晚走嘅時候，我竟然見到鄭瑩瑩呀!!哈哈...唔單止咁呀，喺電梯嗰度我仲見到麥皓兒呢。哈哈...佢喺我前面呀!!!咁自己再望多兩眼，我仲見到黃智雯、周麗欣、李豪......原來佢哋都有去睇MJ 喎。嗯...原本想同阿麥皓兒影相架，因為我係佢超級Fans，但係我個人怕醜呢，所以最後冇同佢影呢。唉...依家諗番都有少少後悔。哈哈...希望下一次再撞到佢哋啦。
嘩...瑩瑩同埋Mandy 呀......好開心呢!! ^^
BB 2009-10-11 01:53
哈哈哈哈~ 好少可見你會post 相,
而且post 埋自己出黎添~ ^^
好精彩啊~
MJ 有套電影月底會上, 你 同 你家姐可留意啦~ ^^
MJ2009-10-11 02:03
哈哈哈...我家姐一早訂左飛勒......
01-11-2009 (星期日) 有得睇喔！！
聽講好多人上網訂飛呀！！
嗯...好期待呢套電影呢～～