4-3-3

哈哈...今日放假呀...真開心喔!!哈...諗諗吓自己都好似好耐冇放過假嘞......難得有假放真係要好好真惜呢。嗯...今次自己採取「4-3-3」嘅策略。哈...乜嘢「4-3-3」??哈...我今日同埋下個禮拜五都請咗假，咁即係首先放四日假，再返三日工，再放三日假嘞。嘻嘻....咁就係所謂嘅「4-3-3」。嗯...反正今年自己仲有年假，咪放吓假唞唞囉。

其實自己一直都有計劃自己嘅年假，而我亦都知道十一、二月份公司會好忙好忙，咁所以十月份嘅時候請假休息一下，唞足精神去應付嚟緊十一、二月嘅魔鬼賽程。

哈哈...噚日同公司嘅同事出去飲茶，祕書問我放假去邊度玩??會唔會去旅行??嗯...其實今年自己真係唔打算去旅行嘞......今年自己都想儲多個錢呢。嘿嘿...其實年頭嘅時候，自己都定咗個目標架嘞。自己日常使費唔可以超過某個限額。嘿...仲有兩個月咋......希望自己嘅目標能夠順利達到啦。

P.S.：嗯...最近聽番張韶涵嘅歌，尤其係嗰首「遺失的美好」。嗯...真係好好聽呀!!有時間大家不妨聽下吖。