湖人贏波!!!

「湖人」贏波呀!!!

「湖人」對「火箭」嘅第七場賽事，「湖人」主場以八十九比七十擊敗「火箭」。最終以總場數四比三晉級西岸決賽!!

嘿嘿...自己一直都以為「火箭」缺少咗麥基迪同埋姚明等主力球員，「湖人」就會贏得更加輕鬆。哈(苦笑)...最初自己仲以為「湖人」會以總場數四比零或者係四比一擊敗「火箭」添。唉...但係自己發夢都估唔到「湖人」竟然要打第七場先至可以分到勝負呢。唉...講真啦，其實我真係冇諗過「火箭」嗰班人咁鬼勁架!!唔...可能佢哋冇嗰種牽掛吧!!相反「湖人」班球員打落去好似患得患失咁，尤其係中鋒拜林呢。

「湖人」喺下場西岸決賽嘅時候會對比立斯所帶領嘅「金塊」。嘿...自從比立斯嚟咗「金塊」之後，對波即刻勁咗好多。「湖人」要贏嘅話都真係唔容易呀!!