湖人 Vs 爵士

噚日朝早上演咗一場非常精彩嘅賽事，呢場賽事係由「爵士」主場迎接「湖人」(首圈‧Game 3)。坦白講，呢場賽事對於「湖人」嚟講係非常之重要，因為如果呢場不幸輸咗嘅話，咁總場數會被「爵士」追成 2：2平手。

比賽一開紿嘅時候，高比仔已經出晒火嘞，頭嗰 11 分已經係佢一個人包辦晒，反對而其他球員一球都入唔到。但好彩之後由後衛費沙射咗球兩分波，總算可以由其他球員入波嘞。完咗第一節，「爵士」領先「湖人」25：20。

到咗第二節，「爵士」一直咁領先住「湖人」嚟打，尤其係巴布沙同埋迪朗威簾士常用嘅戰術(Pick and Roll)，真係令到「湖人」束手無策。到咗第二節中段嘅時候，教練積遜派遣多名後備上陣，但當時「湖人」仲落後緊 7、8分左右。哈...仲以為呢段時候會被「爵士」拉開個比數添(因為當時「爵士」班正選球員仍然上陣)，點知「湖人」班後備打得好醒神，佢哋以一輪嘅快攻之後，反超前「爵士」喎!!!單係第二節「湖人」已經攻入咗 40 分呀，相比喺「爵士」嘅 28 分多出 12 分之多呀!!!其後「湖人」一直咁領先番住「爵士」嚟打，最後以 108：94 擊敗咗「爵士」。

哈哈...嗰日嘅賽事真係好好睇呢。嘿...講真啦，其實自己真係好期待睇得到「湖人」Vs 「騎士」呢場世紀大戰呀!!!

湖人‧加油!!!