煮飯仔~~

近排好懶寫Blog添~ 成日都唔知寫咩好........我諗都係因為Lazy啦~

其實自從搬咗黎呢度, 我就多咗煮飯仔啦, 因為, 樓下無咩食, 自己煮又好似平啲健康啲啦~

不過成日都唔記得影相, 一煮完出黎, 就快快食, 快快洗~ 所以無乜post過我嘅自家餸菜喎~ (我成日覺得煮野食唔係最辛苦, 最辛苦係.............."洗碗洗鑊"啦~  每當炒完餸之後, 就會好後悔嘞, 因為............成個爐周邊都係油~ hahahhaha有排抺嘞~

我煮野食唔係好叻, 不過, 我好俾心機架...........Mr. Tin都話我有啲心思架~~ 其實咁努力去煮, 都係希望得到Mr. Tin嘅一讚啦~ heehee 佢每次讚啲餸好味, 我就好開心架嘞, 飯都唔洗食, 飽晒~~~~~~~~ 不過, 我就不停叫Mr. Tin食多啲, 食多啲, 食多啲啦~  hahahhahahhaa

爐蜜糖雞翼~

炒烏冬 + 菜同菇菇

呢個娃娃菜 + 菇菇 + 豆腐.........好味又易整~

蒸蛋~

薯仔咖哩雞 + 炒白菜仔

金菇雞翼 + 菜飯

Mr. Tin好鍾意食呢個肥DoDo嘅金菇雞翼架..........因為無骨架~ 我去晒啲骨之後壤啲金菇落去架~

呢個菜飯都幾好味架~ 都幾似係街食0個啲, 不過無咁油架!

呢啲係以前煮架.......

其實我都只係識整啲簡單餸架咋~ 複雜啲我就唔識架嘞.........

除咗上圖0個啲餸, 我都會煮.....番茄炒蛋呀......肉餅呀......豆腐卜排骨呀....雞翼呀, 蒸魚, 蒸雞.........仲有Mr. Tin最鍾意食嘅 雲吞 (我自己包架~ )............etc.........複雜啲就唔識lu~

其實我煮完飯都好少影低啲餸~

諗諗吓, 都覺得應該影低佢, 因為, 有時諗唔到煮咩餸都可以睇番啲相~ 咁我咪諗到煮咩囉~ hehe

不過, 我地成日都唔記得影相~ 由宜家開始, 真係要影低佢...........因為, 我好無記性, 成日都唔記得自己煮過乜, 又成日唔知煮咩好~ 影低啲餸, 有助記憶呀~~ 可以幫助我呢個"失憶人士"呀.....hahahaha