可能0係好多人心目中，我都係一個好唔捨得洗錢嘅人。
因為，我唔會買好貴嘅衫/任何物件。
因為，我唔會追電話/相機嘅新款。
因為，我唔會隨心而行地大吃大喝。
是的。大部份消費，我都會先考慮價錢。這是我對自己在吃喝玩樂上所花費的限制﹗
然而。我可以用上千塊去批命、去批流年。閒時也可用上數百塊占卜、問卦。
我唔認為自己係「迷信」，因為我堅信人有自由意志，我唔認為'命運'中有哪個是「一定」的。
簡單的是：體驗占卜命理，是我的興趣﹗所以，我願意花上不少的金錢。
當然，其實這也是我「學習」的其中一個途徑，這是我自我增值的一項投資。
每個人心目中，都有自己認為是「值得」的一些........
無憂米。
第一次相遇是在中七高考期間﹗4年多前....
記得那時與隊長 & 叁 到佐敦恆豐閒逛，見到一間很有特色的小店，於是最八卦的我就提議入去睇0下。與老闆娘「小宇」傾了很久，談的都是我最有興趣的。最後，用$300買了一條粉晶手錬。之後，每次行開那邊都會去看一看。(好多時，都因為有塔羅克星0係我身邊，所以冇開門)
只是，唔記得幾時.....發現它搬走了。
重遇。無憂米
離不開「叁」的原故。約了朋友到「叁」介紹的cafe短聚，無意間發現無憂米搬到同一座大廈的4樓。就這樣，忽然重遇了。
在婷婷的介紹下，我book了小宇其中一個得意門生作流年占卜(盛惠$880)。
星期五。三點。(又是叁)
我會帶埋4年前那條手錬去(張收據都仲0係度)......
無憂米 ~ 婷婷 2007-02-03 01:55
哈哈~是您
最近怎樣呀? 安排了新一年的行程了嗎?
希望下次見到的時候您已有您的人生目標!