<藍>

 (出左喇!!!) 從<藍>,<奕>,<邦>,慢慢重新認識藍奕邦!

(updated on july 30 - 出左喇! 快D去買喇喂!)

大家等了兩年, 終於等到了!

今年, 大家從<藍>,<奕>,<邦>,慢慢重新認識藍奕邦, 更讓我慢慢重新認識你們. 

加盟東亞, 頭炮不是一隻full album, 而將自己分拆上市, 三隻maxi single, 7月25日推出的<藍>, 9月尾推出的<奕>, 和11月尾推出的<邦>, 每隻售價應該不超過$50. 買齊三隻, 你就會完整地擁有我.

為何有這個idea呢?

首先, 去年年底正式簽約東亞, 跟老闆Tony談論2008年的project, 是他提議出三隻細碟, 一些collectible item, 我舉腳贊成, 因為我良久以來都很渴望可以出多些EP或者single之類的產品.

剛好, 小弟今年剛剛30歲, 剛好三個十年, 可以用每一張maxi single去代表我每一個年代和給大家知道更多我的成長背景和出身.

<藍>, 是童年. 藍, 我的姓氏, 我的根源, 我的roots.入面的歌, 都是懷著一夥赤子之心去唱

<奕>, 是少年. 奕, 是我藍家族譜定下來我們這一輩男丁要用的字, 是我的名字入面我最不上心的一個子, 也是最多人寫錯的字. (其實我幾介意人打錯我的名字做藍亦邦或者藍弈邦). <奕>會dark一些, 講多一些少年的迷惘和矛盾, 正如許多人都我的"奕"字的正確寫法的迷惘.

<邦>,是成年. 邦, 是我爸爸媽媽幫我改的, 是我名字中唯一一個我們可以自由地選擇的字. 離開校園, 出來工作, 許多人都叫我做阿邦, 不再是先生口中的"藍奕邦同學". <邦>的歌會比較沉實, 成熟, 就像這幾年來經過社會的打磨和洗練, 而累積的經驗令自己有了自己的方向和對自己更有自知.

每一張maxi single的封套我都會回到每一個階段對我有重大意義的地方拍攝照片, 正如<藍>的封面, 我真的回到了我小時候住的屋村單位門前拍攝. 我千真萬確地在圖中的1928室渡過我的童年歲月. 每隻single入面我都手寫了(對, 你們die-hard fans有福了, 三隻碟都好多手寫文字!)很多關於我每一個時期的故事和成長歷程.

每隻maxi single會有三首新歌及一首bonus track, 正如上次所講這些bonus track是只會收錄於這三隻maxi single入面, 以後不會收錄於任何精選或者大碟內, 絕左版之後就一定買唔返架喇!

希望籍著這三隻maxi single, 大家可以除了認識我的音樂之外, 還會更加清楚我藍奕邦是一個怎樣的人, 從哪裡來, 我的personal history, 更清楚知道我是一個實實在在的生活的real person, 而不是一個住在火星或深山的藝術家.

當然不止三張細碟咁簡單啦! 最後會有一個boxset + 年鑑推出, 除了入面有更多相, 文字, 更多bonus materials之外, 還會有一隻"非常足料"的Live DVD, 仲有, 個boxset會有位給大家裝勘返三張細碟入去, 好似拼圖一樣, 舉例, 假如你將<藍>安放入正確位置, 你就會見到一張好完整既圖....

係咪好好玩?好好追呢?

所有記住7月25日快D去買, 一齊開始儲齊藍-->奕-->邦啦!

Track List for <藍>
1. 學神
2. 時候尚早 (full version)
3. 膠
bonus track 流星月台 (one-take live recording)

----------------

雖然Backstage個show已經賣晒飛(多謝晒!!!), 但都應承過大家會post返一張自己獨立既show poster出來俾大家做個reference... here you go!

溫馨提示: 當晚唔好著太多衫去, 一來個場會好逼好熱, 二來我會令到大家好熱.... 唔講太多, 如果想果晚睇得投入D, 大家可以溫下書, 幻想下我<藍>果個年代會有D咩改編日文歌既中文快歌我會鐘意唱.....

------

派左"膠"都未同大家post個正確官方歌詞出來添!

膠

曲/詞: 藍奕邦

編: Adam Lee

監製: 陳德健/李漢金/藍奕邦

不吸煙 不飲酒 不講髒話 不挑剔 不批判

難道就此可受人加冕

不出聲 不多嘴 不偏不倚 不攻擊 不挑戰

埋沒自己感受來練仙

別在日日扮純情  被罵亦不敢出聲

即使好想表態也用最客套那種反應

去到哪裡都懂得笑笑來贈慶

等班主任為你貼多粒星

不想變做一塊膠  不想去朝著你仿傚

即使我未及你聽教  仍舊有血有肉有笑有淚  呼吸心肺依然有效

不偏走出軌跡 不敢偏激 不貪玩 不出錯

難道就此可成為好人

面部就像玩具 什麼心境都得一種表情

誰用矽膠打造模範生

請拋開這一個殼  別又用一口官腔

假使好想表態  你就快破格快點釋放

這麼拘束崩緊漸成為病況

清水攤多一陣也變骯髒

不想變做一塊膠  不想去朝著你仿傚

即使我未及你聽教  仍舊有血有肉有笑有淚  很想跟保守派爭拗

用念力向你發一炮  要震碎白鴿的雀巢

活像受訓哪有功效  原諒我  從未會有意願向你請教

不想變做一塊膠  不想去朝著你仿傚

即使我未及你聽教  仍舊會笑會怒會喊會罵  官感知覺依然有效

我從來未唱過/到咁"恆"既歌, 一年來唱歌訓練的苦功, 果然沒有白費! 好爽, 終於可以好"去"地唱一首歌!

---------------

大家之前俾我既留言, 好有心, 令我好感動, 我和我爸爸都很感激大家既關心! 真的, 感激你們祝福我們一家人, 我們會好好的繼續未來的生活和工作! 我是一個過來人, 如果大家有親人患病, 或不幸自己有病, 想找人傾訴, 我是絕對樂意聆聽的.