感覺還好

2009.08.05

第 422 次飛行

如果唔係已經用哂一個月既 5 個swap quota, 相信我一定會將這班 上海turn swap 走.....

不過今日做完班機之後, 並不是我想像中那麼差...只係去個程有兩位ABC 客係度同紫姐發癲....

第一位客人, 上到機settle down 哂後, 佢個位既 ptv 證實整唔返, 所以紫姐好友善咁同呢位ABC 客調去與原本既座位最近既座位去....點知ABC 用英文怒罵紫姐....意思大慨係....點解咁遲先同我講PTV 唔work? 我己經 settle down 哂你先同我講, 你唔好再遲d 先講? blahblahblah...PLS WORK SMART NEXT TIME!!!!! 紫姐都係好心offer 另一個座位俾佢者, 佢係咁唔想調, 嫌麻煩的話, 可以唔調架喎....

第二位客人, 最後一個上機....一坐低又用英文怒罵紫姐...意思係...點解冇人offer newspaper 俾我????!!!! (其實而家business class既報紙會放係 airbridge處, 等乘客自由選擇....除非乘客同我地要求要乜野報紙外, 我地好少再會主動問客人需唔需要睇報紙...)之後紫姐問佢要乜野報紙啦....ABC 要 scmp = south china morning post, ft= financial times, herald tribune, wall street....!!!!!

另外...我遇到一位客人, 佢話要中文報紙, 問佢要邊份報紙, 佢又話係中文報紙就得啦....點知拎左份星島俾佢, 佢就問仲有冇其他報紙...那時我心諗: "唉, 咁點解你頭先唔一早同我講你想要指定邊份報紙呢?", 於是我問: "不如你話我知你想要邊份報紙, 我同你睇下...."

去程報紙的order...真係拍得住我做新加坡機既時候........

anyway, 以上只係個別事件....整體上班機唔錯...也算順利....同老總幾o岩channel, 所以感覺幾好啊.....