復工

2009.06.19

第 412 次飛行

今日係復工的第一天, 做了一班swap 極都swap 唔走既 manila turn....

回到公司, 先知轉左aircraft, 有兩位purser 被 downgrade 了....而briefing 時, 老總說可能因為轉左 aircraft, 而完全check 唔到大家的position, 所以今次的 position 就由我地自己黎決定...

最後我揀左係商務客艙工作....這次的商務客艙的組合都幾特別....首先與我同級的position 就由兩位被downgrade 的同事來擔任....而本galley簡直係一個聯合國....有馬來西亞籍, 有菲律賓籍, 有印尼籍, 有日籍, 有韓國籍, 有港籍....後來有人問點解咁夠膽揀係商務客艙與成個galley 都係阿姐的環境下工作.....其實揀position 個時, 我又冇諗過呢個問題, 只係諗住第一日復工, 希望揀個light loading 既zone 做....哈....雖然整個galley 都係阿哥阿姐, 但工作時沒有我想像中會有既壓力.....後來兩程都去了經濟客艙幫手, 就更加冇壓力啦.....

只是架機本身唔係好掂....由於 apu 壞左, 所以 on ground 完全冇涼意.....機艙的溫度高達 30 度.....未起飛, 我額頭已經出哂汗, 仲俾兩個客投訴點解會咁熱.....而回程卻因為 power 出現左問題....而令航機延誤.........

想不到第一天復工就咁樣.....

整班機, 一直都相安無事, 直到 landing.......

話說由馬尼拉回香港有一位UM (Unaccompanied Minor)....那位小朋友已經16,17 歲, 而12 至 18 歲可以有權選擇需唔需要呢種服務, 一旦申請左, 係機場會有Ground staff 全程照顧佢地, 而機上, 我地都會照顧呢d 小朋友....

咁臨到降落香港時, 那位UM 就被調到商務客艙的座位坐, 以方便降落香港後既安排.....而到左香港後, 紫姐就叫我帶呢位UM上去door 1搵老總....(而那時door 2 仲未開)...以我記得....正常的程序係應該等負責UM 的ground staff 黎到機門接位UM 既....咁我帶到UM上去搵老總時, 老總就叫UM自己出去搵ground staff....那一刻, 我亦係打算陪埋個UM 出去搵ground staff, 點知老總就話位小朋友都成 16,17 歲, 要自己獨立去搵ground staff, 所以叫我唔好陪位UM 出去....等佢自己去搵.....其實我係有D 猶豫...因為我用英文同位UM 傾計, 佢地似唔識聽, 冇乜點俾反應我, 所以要佢自己一個出去搵ground staff, 我實在係有D 擔心....但基於老總既阻止, 我都冇辦法.....

於是我繼續係機艙同乘客farewell....點知隔左一陣....我就見到紫姐同負責UM 的 ground staff 係door 2 走來... (當時door 2 剛剛開了)..問我個UM 係邊.....我答UM 已經自己一個出去左.....她們倆的反應好大.....點解我可以就咁俾個UM 自己一個走左去....於是我如實話返俾佢地聽是老總的意思.....那刻, ground staff 非常擔心...因為UM 的 passport 仲係地勤手上....而老總還說點解個UM 自己去搵個ground staff 都唔識....於是我就同位女地勤說, 我同你一齊出去搵返位UM 吧....於是立即跑去機場.....一邊走著, 女地勤一邊抱怨點解老總可以就咁俾個UM 走左.....唉...我都唔知講乜野好, 我只想快d 搵返個UM, 否則我個心會好唔安落.........

我地出返去 boarding gate 時, 已經見到位UM 企左係度.....好彩位UM 戴左個綠色口罩, 所以好易就認到.....我同位ground staff 見返位UM 都好開心....而我亦打算回到機艙啦.......點知我返唔到入去......因為我一出到去機場.....d 客以為我係 ground staff....一位乘客問完我轉機應該去邊後, 就有另一位客人問我拎 baggage 係邊度拎....再有另一位客人問我轉機又去邊...等等....沒完沒了.....當我身不由己既時候....有位女地勤走黎我身邊, 叫我交d 客俾佢, 叫我快d 走......真係多謝你幫我解圍........

我好明白老總這樣教導UM 係好, 不過還是留返UM 既父母教位UM 獨立好了....

這次我又上了一課.........