司機瞌．乘客嘈

2009.05.29

今日趁得閒, 返一返公司搞d 野....而公司車又方便自己, 所以就返時間去搭......

一路坐...我都冇訓覺....但坐坐下就覺得有d 奇怪....發覺架車每隔一段時間就會冇啦啦渣得好慢...有時直情以為架車就停....... 

起初我以為條公路塞車 或者係唔係前面太多車, 所以慢駛... 於是我好奇心下望一望車前面發生乜野事...

見到前面一架車都冇.....由於我坐第二行....所以我再望望司機前面既倒後鏡....發覺司機瞌眼訓..........左望望, 右望望...打個呵欠....再垂頭...合眼....減速.....

無驚無險返到公司....唔知係米就快到終點....後來司機好似精神了一點.......

晚上.....係某地方坐某巴士返屋企....

一上車, 我如常開著mp3 咁聽....但聽到巴士內好嘈....起初我以為係road show 的電視聲.....但後來我聽到" 大奶奶...!!!! 大奶奶呀.....!!!!" 我就知道有人係架車上面睇緊近期heat 到爆燈的 "巾幗梟雄".......後來我醒起個晚係呢套劇集的大結局....我並唔係介意人地係車上睇電視.....但唔該有d 公德心....戴返個耳筒...唔好大大聲播到成架巴士都聽到電視聲啦!  那一刻真係好想佢快d 落車....

終於到自己個站, 同時我發覺電視機聲都冇埋....我走落下層.....d 電視機聲又返黎...... 由於係上層我係坐第一行, 所以一直都唔知邊個開到個手提小電視咁大聲, 走落下層後, 終於俾我見到....真係好想話佢要有返d 公德心....可惜我又唔敢.....佢仲要同我同一個站落車..........

其實呢d 情況已經唔係第一次發生....上次又係坐呢架巴士, 又係有個女人開到個收音機大大聲.....不斷播d 80 年代的舊歌...當中最令我深刻就係個首 "雨季不再來" 播完又播......我本身都幾鍾意首歌...但那一刻我覺得首首歌都好討厭.....

唉....點解d 人當左巴士係自己屋企既?