2009.9.1 開學啦=)

大家好像在暑假中都沒有更新網誌，有時login想看下有冇新野，但係通常都失望而回....(雖然我承認我自己都很少更新個Blog....)不過我相信今日應該有多d人更新，始終係第1日.....

早上起來，又是慣常地食早餐、刷牙洗面等等，心裡沒有在Composition會寫到的期待呀，懷念校園生活等等，反而倒有一點對這個假期的留戀...之後又是恆常的出門口，搭升降機，不同的是電梯好像「縮水」了......去到Vincent果層已經冇位.....結果Vincent遲我差唔多5分鐘......

開學禮實在很悶很悶，時間也好像過得特別慢......那些睡了的人，不知道該是羨慕他們，可憐他們，還是認為佢地好抵死......雖然那些講者把高低抑陽這些都發揮我淋漓盡致，但係佢地所講的野真的很悶，很悶......我還用那張場刊摺成飛機.....幸好好像沒有人發現......

上面好似大部份都用了書面語，怪怪地........不過就當係用書面語去突出沉悶的感覺.....

完左開學禮當然係----

Recess啦(本身想寫班主任堂，不過醒起好似唔係)!本身想去找Ms Lee交樂器班請假表，不過由於本人懶惰的關係就冇交.......

到左班主任堂，雖然在開學禮前都知係Mr Chan同埋新黎的Ms Yee(好似一直都係咁叫，但係用英文去稱呼一個教中文+中史的人好似唔係好適當)，不過問心果句，真係唔想囉.....

首先好似係調位....最高同埋最矮果班就好慘啦，一開始就分哂.....仲係一定要男同女坐......我地呢d中間左右就好啦=)由於我地中間果d女仔堆埋一堆，而我，Esther同埋好似話對嬌嬌呢個花名都唔太在意的仁兄呢就企得比較入，所以最後剩番我地3個.....哈哈，因為之前同Esther坐的時候上Maths係猛講啦，所以呢就呢，比某d人狂話呢樣果樣啦.....這是估唔到的事實.....不過經過呢個短短的調位時間，我得出下面的結論:

1)Mr.Chan is really stupid同埋唔暸解我地呢班

2)人心狡猾

之後又宣佈班長，徐生應該好失望，因為某d人想做班會內閣未選就冇機會.....Then,就派呢樣派果樣，今晚真係有排填，同埋在派的過程中，我都唔知應該話Toby傻定好心，雖然對我地成排人來講真係好好，不過佢每次都行一轉都幾慘下，人地個個都係傳.......

到班會d野啦，問心我有d唔明點解Marcus仲要選做，我個人根據觀察，佢上年都冇做過野，就算今年有人選佢，正常情況下都唔會有份.....

之後班主任自我介紹，到目前為止，我覺得Ms Yee係幾nice但係又夠串的人，而Mr Chan擺明唔想答我地d問題.......And then就唱生日歌來消磨時間...咁就真係Hea下Hea下就過左開學日啦!