American Trad for Summer

作為一個Marketing人，如果我有時間的話，基本上每星期都一定會花時間閱讀不同的雜誌，緊貼市場脈搏。睇到今期東Touch，有一個Style Issue介紹嚟緊夏天興著咩同點襯法，覺得非常好看，所以在此跟大家Share一下。

其實我唔係咩潮人，亦冇咩Budget去買衫，不過對於時下興著咩都一直有留意。基本上American Trad Style由舊年開始已經被潮界狂煲，自己一直都好想玩下呢個Style，不過由於冇咩呢個Style嘅衫，如果要玩的話就一定要全部買晒，真係非常甘，所以到依家都未試過咁著。

其實恤衫西褲都唔難買，最困難就係喺有限Budget搵到對靚仔嘅皮鞋或Deck Shoes，而呢兩樣野正正係Trad嘅Key Items，因此我暫時都未可以著Trad上身。不過，睇完呢篇專輯後，真係好有買對靚皮鞋/ Deck Shoes嘅衝動。

我知道自己九成朋友都係Fashion冷感，覺得行街買衫著型D係多舊魚行為，不過自己就係鐘意埋呢d咁唔等駛嘅野，就好似聽音樂咁，係興趣嚟，所以明知你地唔會睇呢篇Blog我都照寫。

講開又講，喺香港地呢個充滿住膚淺目光嘅地方，好多時都係「人靠衣裝」，喺某D行業著得好D係有著數嘅，至於識男/女仔，著得靚更加係有絕對優勢，不容置疑。