CAT TOWN 互動專訪之二 -- BLOGGER 藹鈴

繼上之訪問完珊珊之後，TMAN再次邀請到另一位BLOGGER，她就是飾演律師小姐FIONA這個角色的藹鈴。

今次訪問地點是置身這個位於FISH TOWN的旅館，正是FIONA第一次出現的地方；大家不妨重溫這一段，『‧‧‧發覺這間小小旅館的設計原來是這樣雅緻，地下一層除接待處前有一個房間外，噴水池兩邊都沒有牆壁隔離，只築有欄杆，陽光與海風可以從外邊自然進入。
左邊原是旅館的餐廳，現在只剩幾張餐桌閒置著。右面是那處給遊客休息和閱讀的地方了‧‧‧』

TMAN: 藹玲，您喜歡這個場景和出場方式嗎？(雖然正式的出場還是要到CAT TOWN風雲的第二章：一個人在途上(一)內才看到。)
藹玲：我喜歡FISH TOWN這個滿怖小白屋的地方，也很喜歡這樣雅緻的小旅館，簡直是夢想中的度假好地方，不過故事中的我是來工作的；而且也估中了FIONA的出現『一雙美腿步行於半空之中‧‧‧不，是一位穿著高跟鞋‧‧‧從二樓外露於天井的走廊走過...』
TMAN: 對啊，這樣的小鎮是很舒適的居住環境。好喇，我們也進入正題吧。當初看到FIONA的角色造型時，有何感覺呢？
藹玲: 一見到自己嘅角色FIONA出現，簡直眼前一亮，好多晚訓覺時前個腦都浮現FIONA的影像（好Perfect），跟住咪咪咀咁笑囉，心想如果我有八成似佢就已經好正。
TMAN: 您客氣吧，我想如果有人似您八成很正才對呢！
藹玲:  哈！您把口都好得喎。

TMAN: 您喜歡她造型的地方是什麼呢？
藹玲: 就是美貌與智慧兼備。
TMAN: FIONA的性格設定與真實中的自已，最相似的地方是什麼？請講一講。
藹玲: 最相似就當然係─個性獨立，愛好和平，喜歡平靜平凡的生活，而且是個感性的人。
TMAN: 那豈不是全部都跟您一樣？真的那麼相似？
藹玲: 當然還有別的，不過您沒有全部寫出來，可能有很多不相同的地方。
TMAN: 最不相似的呢？
藹玲: 暫時未發現到。
TMAN: 大家也真俾面TMAN，攪到我覺得自己好像懂心靈感應一樣，完全了解您們一樣。

TMAN: 最喜歡自己角色性格那些地方？
藹玲: 我嘅角色係律師，時時刻刻都係為人著想，這點我很喜歡。
TMAN: 相信您平時自己也是個為人著想人吧。
藹玲:  是的，是個守法的小巿民，細微細眼的事倒也會顧及別人的，哈哈...

 
TMAN: 除了自己以外，在CAT TOWN眾多角色之中，那一位的造型最吸引您？　
藹玲: 其實每個角色造型都係TMAN您為啲BLOGGER度身設計嘅，每個都有獨特嘅吸引力，但如果一定要揀一個就應該會係鎮長SHIRON，因為佢唔只年輕美貌，有智慧又有愛心，最重要嘅係有權力。
TMAN: 我想這種近乎完美的角色，現實中是太難遇到的，所以能夠吸引到您？
藹玲: 係呀! 如果自己好似鎮長SHIRON有齊咁多優點，就發達lor，哈哈...

TMAN: 最想與那位角色在故事發展友誼呢？不一定是同性的，異性也可以。
藹玲: 無乜所謂，只要唔影響日常工作就得嫁啦。
TMAN: 啊？會影響到日常工作的嗎？
藹玲: 會呀，成日諗住CAT TOWN個故事都會有好大影響架。
TMAN: .......^_^"

TMAN: 那麼，最想與那位角色在故事發展感情？今次不要諗得太多吧。
藹玲:  如果可以嘅話，最好係大大隻，但又唔可以係一舊舊肌肉凸出嚟果種。哈哈．．不過果種可以做埋我嘅私人保鏢都唔錯，就算唔打得都睇得吓喇。）
TMAN: 大大隻又唔要一舊舊肌肉凸出嚟，咁應該叫做肥...CAT TOWN好似冇喎...
藹玲: 冇就算啦，哈哈。

TMAN: 最想增加那類型的角色？
藹玲: 小朋友。
TMAN: 已經有個小朋友出了場啦。
藹玲: 還未夠的，一個CAT TOWN不會只得一個小朋友吧。
TMAN: 對...您對呀！(不用太認真去算...)

TMAN: 如果可以讓您調換角色，您最想試做那位現有角色呢？
藹玲: 應該會係鎮長SHIRON，相信出場次數會多啲。而且之前我已經買左您設計嘅CAT TOWN角色TEE（鎮長SHIRON）。
TMAN: 哈，要再向您致謝呢。

TMAN: 有沒有想過做奸角嗎？
藹玲:  我係一個好有正義感嘅人嚟嫁，一定唔會做壞人。
TMAN: ....(想下也可以吧？)

TMAN: 假如讓您加入創作，最想加入什麼情節於故事之內？
藹玲: 我只係個普通人唔識創作。
TMAN: 我也是普通人一個，創作其實不太難的，重點在嘗試。
藹玲: 但我是一個極普通兼唔識創作的人。
TMAN: ....(兼且是個很堅持的普通人)...

TMAN: CAT TOWN這個虛擬市鎮帶給您什麼感覺呢？請講一下吧。
藹玲: 開始時只覺得您畫比小魚兒老師嘅（釣魚號）同貓女警嘅（特製板車）好有創意，繼而一步一步發展至今都不斷展現您嘅獨特創作思維兼且有好多好靚嘅畫比我哋欣賞。
TMAN: 不敢當，只是盡力去寫好個故事而已，畢竟BLOG這個地方，俾到個公開而互動嘅場地大家，要珍惜BLOGGER不斷嘅支持就真。

TMAN: 您最希望CAT TOWN有什麼特別設施？
藹玲: 未諗到。
TMAN: 遲點諗到再講我知吧，隨時歡迎。
藹玲: 當然。

TMAN: 直到目前為止，故事那些情節您最喜歡？
藹玲: 成個故事情節都喜歡，但情節以外的就係07年9月15日晚上11：45分開映嘅〔故事OPENING首映夜〕好得意，睇得好開心。
TMAN: 當時還未正式開始故事，但希望大家早點對CAT TOWN有投入感，或許那次是網誌史上，首次實時直播的故事首映也說不定呢。
TMAN: 最不喜歡的呢？
藹玲: 無。

TMAN: 有什麼"與BLOG友互動"的建議給我呢？
藹玲: 覺得珊珊講嘅CAT TOWN成員聚聚，好主意。
TMAN: 我會收集其他人的意見，到時再研究一下吧。
藹玲: 好啊！如果攪得成，一定好好玩。

 
(這是BLOGGER藹玲在故事中的FIONA造型)

TMAN: 上次訪問珊珊時講過CAT TOWN風雲廣播劇，您怎樣看？
藹玲:  正，梗係要預埋我啦。
TMAN: 一定。

TMAN: 對CAT TOWN風雲有什麼期望？
藹玲: 希望有多啲CAT TOWN風雲產品，我一定會買嚟珍藏，自用或送禮。
TMAN: 哈哈，看來您把口仲得，很會逗人高興。
藹玲: 真架，哈哈。還有，希望CAT TOWN風雲可以正式出書及拍成電影或電視連續劇就最好了。
TMAN:  哈！如果係咁TMAN就不枉此生同來生啦。再次謝謝您接受TMAN的專訪，再見！
藹玲: 再見！