香港有救喇!

喺我地呢個年紀寫blog都可能算係小數,

但有一樣嘢我都想講好耐,

以前我地會為作為香港人自豪,

但係依家呢?

以前聽得好多係香港係呢方面第一嗰方面又第一喇,人地未諗到我地已經做緊,

敢於嘗試,有腦有橋!

我地政府依家只有"笠水"第一,呀爺未出聲就先估人地諗乜,

結果咪估錯晒囉!

以前我地D政務官幾勁呀,你睇吓陳四萬,Donald Tsang(以前做財政師嗰時),

但幾勁都無用,一上場就患咗笠水症,

香港仲邊有希望呀!

但今日我聽到報紙咁講,我又對香港有番D希望,原來香港有諗頭,有創意D人未死晒!

事源係咁嘅,香港係一個自由市場,但就係因為自由得太過份,D油公司就係咁抽我地水,

加油價反應超級快,減油價超級慢,同咁啱全部油公司一齊加一齊減,佢話佢地無約定喎!你信唔信世界上有咁巧合嘅事呢?對上一次聽到咁巧合嘅事,應該係Choas effect!

但我地又耐佢唔可,唔通叫我去開一間油公司咩!

但我地可以點呢?唔通去求佢咩!政府成日話留意留意,留佢老味呀,我唔相信我地個政府有乜做得出,如果可以佢都攪掂長江中心條隧道仔啦,小小隧道都攪唔掂,叫佢去攪D油公司,開玩笑!

有人就諗到一個唔犯法,又可以迫佢減價嘅方法,不過唔知可唔可行,但聽起嚟又好似好得喎,最主要係你又唔會有損失!

個方法係,所有車主集體杯葛某一間油公司,佢如果長時間失去大部分客仔,佢成本會大增,如果佢賣油有空間減價,佢咪會break咗同其他油公司的協議,首先大幅減價,吸返大部分客仔,而令其他油公司無辦法唔跟住減囉!呢個方法好處係你係用油者,你無需負出任何代價,你只需要去隔離間油公司,個價錢一樣的.就算佢真係原來無任何減價空間,佢只有執笠,唔會蝕本減價比你,你都係無損失!

我一聽,好橋喎!又唔需要我地個無能政府出手!可以一試!

我會密切留意集體杯葛邊間,到時有機會再話比大家聽!

P.S.蔣志偉,你早講呀,如果我知道你呢件事上你做嘢,立法會我投票比你呀!