朋友

這兩日收到好多問候既電話同msn或msg，好多人都好担心我，但請大家放心，我還好。

忽然之間真係覺得自己好鬼冇用，總令人担心，定還是其實大家太清楚我，抑或我太簡單呢？哈哈，不過我知道佢哋全部都係出於關心，而唔係八卦，真係令我覺得好感激，可能大家都知道他曾是我的一切，怕我又唔知會做什麼，想什麼，亦怕我再次唔開心，不過我真係好想講＜我作為佢既朋友，只要佢開心就得＞，更何況呢件真係一件開心事，我真係會好衷心咁祝福佢，過去咗既嘢就由時間去過去，佢只會係我同佢之間既一個經歷，一個故事。

有朋友送咗好多禮物比我，好多謝你D先生，你知麻，我既感覺就好似你是我屋企人咁，我屋企人在我最唔開心既時候都送咗好多嘢比我，當其時差D連樓都比埋我，哈，不過真係好多謝，好多謝，其實雖然我失去咗一D好重要既嘢，但同樣地我得到咗一D好珍貴既嘢，我會好好珍惜，仲有你呀，我真係一個《外剛內柔》既人，你講中。