29歲生日

o係打呢篇blog既開始,突然覺得今年既生日係幾值得記念既一年~

因為係我最後一個二字頭既生日lu~今年係比我盡情任性既最後一年~

我一直既諗法都係:一係做皇帝,一係做乞丐~

意思就係我會用盡我既所有去博將我所有既資源全部投入我既魔術事業裡面~

一係成功:可以賺大錢,過我夢想既生活~

一係失敗:失去所有,要到街頭乞食

不過經過呢幾個月我開始睇到我既將來啦~至少唔駛去乞食啦~

面對快要踏入三十歲,我覺得將會係我人生既另一個階段~

呢個階段好應該更為我既另一半去著想,要比更多既信心佢~唔可以要佢再崖日子~

所以我今年要比心機賺多D錢~(各方好友明啦~介紹多d表演/教班比我!)

好啦!轉轉話題先~講講今年生日點過先~咪就係兩個人過囉~

我自己定左生日呢一日唔會工作~所以呢日都係一個休息既好機會~

今年先開始用facebook所以多左好多朋友同我講生日快樂~~

往年通常大家都唔會搵到我~哈哈~~

訂左夜晚去五月花食野~因為之前睇雜誌介紹呢間野有港,日,台既放題(自助餐)見應該都幾岩我所以去試下~

o係下午既時候諗住上網搜尋下佢d資料~發覺都好多人比劣評~

好多都話未夠鐘就趕人走,d野黎得好慢,野食款少,d野細碟,食物味淡,海膽免費贈卷其實唔係免費等等...

其實都評得冇得再差啦~不過我發現服務態度差多數都係話旺角o個間~荃灣同銅鑼灣都有人讚~(我地訂左荃灣)而話佢款少既都係指魚生款少~呢點對我黎講完全唔係問題,因為我都好鍾意食日本野,除左魚生~

到左夜晚一去到先比左張海膽免費贈卷先~睇下係咪真係咁唔底(話免費其實收原價$88既加一即約$9)

等海膽黎既時候順便點定d野食先~個海膽黎到$9呢個價都超值啦~都好好味~!

一開頭掛住食唔記得影個海膽.....

跟全d野食黎得超快~叫左唔夠幾分鐘d野食已經放哂o係桌面~搞到都唔夠放~(失策!冇諗過佢咁快黎哂搞到有d野食既時候涷左...)

d野食都ok~特別推介同網上講既一樣:雞軟骨(超好食)一口炸豆腐(外脆內超滑)美極大蝦(非常野味)

總括黎講都幾好~

好啦比d相大家睇下順便評價一下先~

咖哩青口 唔掂冇味"聲聲地" 劣

雞軟骨 好脆 超讚

魚生 都ok新鮮 中上

炸餃子 中上

一口炸豆腐(外脆內超滑) 超讚

炸軟殼蟹 讚

炸薯 入面係薯容 超讚

清酒煮蜆 冇味 劣

炸雞亦 脆 讚

田螺 太咸 小劣

秋刀魚 本人唔太食魚 其實ok 

天婦羅 都ok 不過唔算好 讚

和牛 如果你唔天真以為真係有和牛都ok  中上

雜菜鍋 中下

壽司 中上

美極大蝦 超讚

馬拉盞炒菜 讚

桂花糕 平平

雪糕糯米磁 中上