網誌分類：中剷神教 |
圖片
網誌日期：2009-10-15 22:19
施政報告本來是講六大產業為主的，偏偏樓市卻成為觸目點。而繼趙燕Ｘ事件後，又一香港女性引發城中話題：
http://inews.mingpao.com/htm/Inews/20091015/gb41731a.htm
醫生律師投訴買不起樓 (17:30)
特首曾蔭權今早出席電台節目時，有女醫生致電稱，與律師男友一起想結婚，根本買不起樓。
曾蔭權今早出席電台節目，回答觀眾提問，首6名聽眾均指出，樓價升，令市民叫苦連天。首名女讀者表示，他與男朋友分別是醫生及律師，他們原本打算結婚，但現時連專業人士亦供不起樓，她質疑是否因為8萬5，令政府什麼也不敢做。
曾蔭權問他要求買什麼樓，因現時市場有不同價錢的樓，只是一些超豪宅價格升，市場仍有2至3百萬元的樓，所以豪宅價上升，不影響普羅大眾，現時的樓價較97年時低，打開報章仍有很多4千元一呎的樓宇。
她表示，難以在中環港島找到一個適合的單位，只是不想過海。曾蔭權稱，市民買樓要量力而為，可先買新界及較小的樓，然後逐步升級。
被問及會否如澳門般，因樓會上升而限制內地人買樓移居，曾蔭權回應稱，高價豪宅成交只是很小量，因此而影響人口政策是不對的。
有聽眾質疑曾蔭權的家人，住在豪宅，有只顧他自己家人之嫌。曾蔭權回應，不會只顧家人，政府會密切監察樓價，保持敏感性。
曾蔭權下午出席立法會答問大會時稱，平均樓價較1997時相差25%，港島太古城仍低11%，杏花低32%，很多新界樓「有排返唔到家鄉」。
曾蔭權稱，暫時看不到好明顯的泡沫，他們會從樓價、利息、負資產數字等情況監察樓市。
他強調，市民買樓要量力而為，不要以為樓價會升，利息低，就貿然買樓，要衡量如樓價低及利息升時，自己是否有足夠的付擔能力。
（即時新聞）
經初步診斷，此名港女除港女病外，還患上了「中剷病」。筆者讀過最正的評述是：「打開中原地圖，有個功能可以看到各區的收入，有些人覺得自己買唔起心目中的樓，只因為佢地高估左自己應該住的地方。」
又係廣告時間：筆者將出版的新書其中一部份有根據2006年中期人口統計的各區收入中位數，按揭供款中位數，租金中位數等數據。就以中剷港女所講的中環為例：
住戶月入中位數：$24,000
按揭供款中位數：$14,279
租金中位數：$5,500
2006年時中原指數大約55點，現在大約73點，即樓市上升了三成，我們將數據同樣地發大，以便得出相近的負擔比率：
住戶月入中位數：$31,200
按揭供款中位數：$18,563
租金中位數：$7,150
究竟這名黑白雙煞是沒有三萬元的收入？還是供不起萬九元？而只願付$7,150租金？還是根本就沒有首期呢？如果港女中剷指的中環其實是中環半山，甚至是山頂，筆者就表列中西區各選區數據如下：
如果想住半山，2006年時應該要有月入四萬的水平，成大三成就是2009年的$52,000；如果指的是天匯一帶的西半山，要達到$94,900；如果是山頂則是$147,550。筆者只能說這是Mismatch。
其實中剷們想政府做點事，是指甚麼事？在半山山頂建居屋？把樓價推低到他們能夠「負擔」的水平？即是多少？「金融海笑」時樓市曾下跌了約兩成，只不過是一年前的事，點解「你們」當時不買樓？如果所指的幅度是跌三成就買，咁好似董生咁搞到跌剩三成又如何？
其實又係筆者之前所講，無咁大個頭戴咁大頂帽，因買樓唔可以碌晒咭（首期可以碌咭，不過要還），才沒有像買ＬＶ那樣掃吧！最衰政府唔比人全資碌咭買樓喇！又唔比人零首期置業。
今日本人就這件事情訪問過一名中剷，對談略述如下：
脫：你想買樓，咁你諗住幾多先買？
剷：六百呎西九龍樓三百萬喇！（即係呎價五千）
脫：咁窮庭三房695呎中層有海景，賣三百三萬制唔制？（即係呎價$4748）
剷：果度我一定唔買，咁舊（樓齡六年），係買都買柏景灣喇！（樓齡八年）
脫：咁年頭果時四千蚊呎果時你又唔買？
剷：因為金融海嘯、雷曼風波、銀行收緊信貸、金管局公佈負資產數目大增．．．（下刪十萬個字）
殘忍的事實係，有些人是成世都唔買樓，一買就摸頂。此無他，其他人買樓來用（即係住，或收租獲得現金收入），中剷買樓用來晒或炒，卻由於專注專業或公司辦公室事務，無暇留意樓市，或依賴中剷傳媒的資訊（如樓股經常做封面的「燈周刊」）。
又要囉返呢篇鴻文出黎：
P.S. 近返工？唔想搭巴士地鐵，連的士都唔願搭，你唔識得渣車咩！九龍新界唔係人住嫁咩？
Professor X 2009-10-22 23:51
To Beckham,
Alternatively, you may use Granger Causality test to examine the lead-lag relationship between Shenzhen and NT house prices. However, please note that in using the test, both variables should be stationary.
波蘿游 2009-10-18 23:19
脫苦海兄：
見得太多自怨自艾的中產，難得在這裏找到多少正能量。
一點意見：
閣下以06年樓價及其時收入，計算當年的負擔能力，存在時差問題。以06年為例，除非是新發展區，否則很多都是舊業主，物業可能在之前幾年或十幾年前買入，其間升值幅度遠超人工升幅〈96,97年買入除外〉。如果留意上四分收入，會發現數字遠超中位數，相信其中很多都是新近業主，要以較高的近價買入，其收入亦相對較高才能負擔。
要計算新業主負擔能力，以保守的：八成按揭，4%利率，20年期，及四成收入作供款，數字會更具參考價值。
脫苦海2009-10-19 07:55
Kaiser 2009-10-18 22:08
脫苦海2009-10-18 22:14
我諗阿七生應該好有興趣，不過佢應該唔會付錢比你，或者連你都當埋土共黎收監都唔定。
當年的反基大業，原來病毒已擴散到社會部份階層，真係此料不及。
阿勞 2009-10-18 19:59
脫苦海2009-10-18 22:14
GP-02A 2009-10-18 19:14
補充一下 : 兩邊不是人, 狗賊與狗賊對話是指中剷港女同特狗, 不是指脫兄. ^^
脫苦海2009-10-18 22:16
GP-02A 2009-10-18 19:10
唔好意思, 得罪講句, 根本就是豬八戒照鏡, 兩邊不是人.
根本是狗賊與狗賊之間的對話. (狗賊此處是指別有用心)
中剷港女根本係想揾著數就係人都知.
但曾特狗根本毫無治國之道. 英國佬都係逃離香港之前先行高地價政策想刮到盡先走佬. 完全不理將來. 高地價政策令百物超貴, 就算企業再剝削員工也有個極限, 所以在香港的所有生產都難逃高成本而面臨失敗, 6大產業, 高成本已經足以令佢地食蕉啦? 係金融賭檔成本最低再加上無掩鷄籠經濟体系, 但不能令所有人有飯吃. 根本係自私既業主先會想樓一路非理性上升. 不過呢班人最後都要付出貴價既社會成本, 幫親領匯商場的人應該有所体會吧. 一路物價上升, 大家一起長時間消耗吧. 特狗你現在是管治, 不是炒賣份子, 不應不管民間疾苦. (不影響民生, 簡直係自欺欺人, 乜唔係水漲船高咩? 香港有邊度唔係新樓扮毫宅, 舊樓齊齊加架?). 不過特狗可以透過高地價向萬民抽重稅. 用97價來比較? 香港競爭力同人口金字塔都比97年差, 應該無人敢說香港前途光明吧? 不過特狗可以現在懶理埋下炸彈等下一任領野. 如不是如本人一樣在05前已經入貨, 現在在相對高位被迫入貨的可憐市民, 還是自求多福吧.
脫苦海2009-10-18 22:18
你換一個角度睇下，如果某人的任務是搾乾香港產業北上，疏散人口到河北，從而達到中港收入及財富一體，呢個人咪係good boy囉！
我地呢ｄ蟻民，要先一步睇清佢地搞乜，避重就輕混水摸魚，無乜野可以做嫁助！
電力研究員 2009-10-17 19:45
儲到多少首期是一個問題；運氣是第二個問題；第三係個下Buying Impulse!
2002年開始係 脫兄附近睇樓，新樓、舊樓、窮庭都有睇過。我家領導睇極都唔喜歡。沙士時，有柏景灣貨尾大平賣、海帆軒的極低價、負資產的銀行拍賣盤，全部都係去睇....眼見樓價慢慢上升，領導還是覺得這個不好，那樣不好。 好了，等到2004年初，最後一個新樓目標出現。 去到賣樓現場，跟錯代理(事後知道，那些場合，要跟大行去較好)。幾天都無我們心水單位。 最後一天，有一個單位，發展商只給個價單，買或不買，無其他參考價格。 領導話買野唔格價，唔買.....最後，我堅持要買(睇兩年樓，實在太累.....)
有時，有些人太有要求。又要平、又要靚、最好唔洗錢！還有，很多女人買野，唔計機會成本....
脫苦海2009-10-17 22:14
我屋企都有個咁的老太爺，結果剩係得一個無自己買樓，其餘是但一個層樓都貴過老太爺層樓。
其實根本唔駛睇咁多樓，亦唔駛顧慮咁多所謂時機問題，唔鍾意的樓就無謂睇，十年樓市都淨係得一個頂一個底，邊有咁好彩比我地撞到丫！有需要，又鍾意，仲買得起，而ｄ人又唔係癲癲地，根本做錯的機會甚低。
其實ｄ人有無諗過點解樓價長升長有，跌都淨係得三年零八個月、暴動、石油危機之類或者建華八年？發展中的城市越來越多人住，ｄ人越搵越多錢，起樓又要咁長時間，除非香港再Ｐ多一次Ｋ喇！唔等樓跌等到頸都長，真係比果班中剷等到，佢自己都唔掂喇！
無可否認樓係會跌，但係佢升多一倍至跌三成又如何？以現在的樓價及家庭收入，樓升多一倍負擔比率就係60%，就會爆煲嫁肋！Ｄ人成日話樓價升左三成四成，用個最低位黎計梗係喇！試下用去年高點計，樓價根本就係原地踏步，搶帽子班人都仲未見家鄉喇！
買樓101 2009-10-17 13:02
睇完大家嘅分享, 得出一個感覺, 好多人...真係比較貪心, 鍾意晒, 但係又唔想挨, 想一步登天.
試問純粹買樓要黎住, 二百多萬的樓已經可以, 肯儲下錢, 又點會買唔起, 供唔起?
脫苦海2009-10-17 18:25
即係呢ｄ人根本就唔係社會精英，卻死係要去扮。
陳仔 2009-10-17 12:36
脫苦海2009-10-17 18:24
果ｄ所謂豪宅，每個項目得果幾百個單位，甚至連禮頓山帝景園嘉雲台，睇落成排樓，其實每個項目連500個單位都無。根本呢ｄ所謂中產專業人士，有意無意晒自己係精英的人仕，只是社會上的中層。十萬蚊一個月又點？佔全港人仕最高收入的可能只係5-10%，卻想去住2-5%最top的物業，o徒鬼氣。
玉環 2009-10-17 08:01
脫苦海2009-10-17 18:19
財務自由人 2009-10-17 02:41
脫苦海2009-10-17 07:27
有ｄ人係千方百計想方設法做到一件事，就算佢地唔成功都叫做努力過。
但係有另外一ｄ人係千方百計想方設法整喎件事，廣東話叫做Hea，你話香港有幾多Hea人？
※ laura ※ 2009-10-17 01:02
買咗樓會望樓價升，未買嘅想上車梗望佢跌，邊有客觀立場，但要求政府發功做低樓市，實在有欠體育精神！樓價如佢哋所願真係碌咗落嚟，擔保佢哋唔敢買！未買嘅見樓價狂升便打去電台報紙訴苦，做咗業主嘅只會靜雞雞偷笑，造成好似好多人抗議樓價上升嘅假象！
亦唔知點解今次咁多報章社論支持政府干預樓市，唔通佢哋唔記得咗八萬五嘅慘痛教訓？如果要求政府定期賣地或降低勾地表底價(容易勾出)都情有可原，叫政府重建居屋就真係豈有此理！98至03年嘅建華年代，幾多居屋業主利用房委會保証回購漏洞跳車逃亡，走唔甩嘅就上街示威話政府靠害，要求回水...做乜仲要走回頭路起居屋呢？根本就喺齊齊想揾政府着數！嗰啲所謂社論認為政府如果再唔做啲嘢，等到樓市泡沬爆破，就會血流成河...乜佢哋唔喺希望樓價下跌咩？泡沫唔爆破邊有平樓賣？樓價平穩或平穩向上，想信好多人永遠都唔使旨意上車或換樓！
歷史教訓話俾我哋知，政府通常都喺唔適當嘅時間出手篤爆樓市泡沬，到時就真係如佢哋所願血流成河啦！
脫苦海2009-10-17 07:38
大家睇睇昨天都市日報的市民心聲，尤其最後果個。
可可娜娜 2009-10-16 23:41
因為小弟住在北美, 美國果頭朋友話, 無錯係息口低, 但做生意借貸或樓宇按揭好多都無以前批得咁爽. 小弟想當然以為香港也可能有類似情形 (但當然無美國咁慘啦).
其實小弟也是中剷 (加拿大既), 都係新婚 (兩個月前), 呢幾年息口咁低, 係按揭買樓儘快還錢既最好機會. 我同我老婆結婚前分別每人供一層好細既單位 (港幣一百五十萬一層), 結婚之後一層父母住(父母去咗層樓又咪係留返俾自己), 一層自己住. 出嚟做咗唔夠八年嘢, 到今日, 按揭還咗差不多五成. 仲要儲錢入退休金戶口.
人工四萬港幣左右一個月, 唔好忘記加拿大重稅, 一半會俾咗政府. 兩公婆每人淨袋二萬幾三萬, 唔係貴族嚟. 又唔識理財, 乜都俾基金佬搞掂.
做多八年嘢, 四十歲, 還埋另外果五成, 到時還清咗手上兩層樓既按揭, 以中剷既收入, 計劃好會換層中價樓住, 似返個人.
生活係逼人, 但又未去到要吊頸既地步, 慢慢嚟總會有出路.
脫苦海2009-10-16 23:48
原來有咁遠方的網友，失覺晒。
筆者在美加的親友，並沒有受到金融海嘯多大的打擊，可能因為華人儲蓄率較高，亦較少炫耀性消費，其實呢ｄ係美德呢，偏偏香港人就係要拋棄呢種美德。
榴槤雄 2009-10-16 23:17
脫兄出書, 一定買番本鋤下!
其實我都好慘架, 普樂道買唔起, 倚巒做最低价果間又比马榮成買左, 干德道炒貴晒而家唔洗o念, 掃上宝珊道又唔敢奢望, 掃落羅便臣道選擇多但唔平, 再低多条街堅道又…………真係買唔到樓。
查實果个聽眾係唔係心目中只係得幾个地區揀, 施勳道, 種植道, 司徒拔道曉廬又或者係The Summit, 唔会o念其它盤架呢, 所以佢買唔到樓!
脫苦海2009-10-16 23:39
仲有個中剷王子：http://hk.apple.nextmedia.com/template/apple/art_main.php?iss_id=20091016&sec_id=4104&subsec_id=11866&art_id=13319264
月入咁多都話買唔到樓，仲要開晒名有晒相，真係唔驚人笑。
giggson 2009-10-16 23:15
個收入中位數表好有問題
工作關係對山頂中半山比較熟
住得中半山同山頂無可能月入得果十一萬，平均住山頂交租一個月都唔只十一萬啦
舉例: 山景花園別墅一個月租金起碼廿萬，嘉慧園十萬（市值六千萬），紅莓閣十六萬（市值一億），永安近廿萬，帝景園（點解計落山頂區？） 最cheap 都要七萬五（最平計市值三千萬）
脫苦海2009-10-16 23:42
Beckham 2009-10-16 23:04
To Tokuhon:
You have reminded that the no. of flats has exceeded the no. of households since 1989. However, I would like to remind you that this situation has been worsening over time...
This is not an easy question to answer especially for readers without formal training in real estate economics. In 80s to early 90s, nearly all sorts of house prices have increased at the same pace. However, after 2000s, the situation has changed. While there is no shortage of housing, higher-income class family tends to trade-up from poor location to better location, from older flats to newer flats (not just from small to bigger one). As a result, not all sorts of flats can increase at the same rate. Poor-location flat prices remain slugguish, but better-location flat prices have risen drastically. As you can see, the price gap between the luxury and medium-low quality houses has been widening.
However, at the same time, the price gap between Shenzhen and NT flats has been narrowing, due to the fading out of the border. For these reasons, there will continue to have a large number of medium-low quality houses at affordable prices to households. It is expected that these houses prices are very difficult to have significant increase. Luxury (real) flats and the flats close to CBD are of course an exception.
脫苦海2009-10-16 23:45
所見略同，《樓市漫步》一書講的正是第二段的論點，睇中大市買錯樓根本就無用。
第三段亦係好多香港人明知而又不願接受的：回歸後香港像放水閘般，香港要降低來相就國內，同時國內亦急速地抬升。龍要上天蛇要落地，中剷就係唔上唔落。
飛鳥信宏 2009-10-16 22:18
我咪又係咁買左尖沙咀的30年舊樓.........都不知住得幾開心
我都唔明佢地個腦想d咩
要上班
咩叫只可以係買新界樓(點解......無咗"新"及"豪"2字)
咁成個地方無其他樓可以買嗎
我夠喜歡"港景峰".....買唔買起先得架呀
喜歡同現實都分唔清..........真係中剷
脫苦海2009-10-16 22:47
寒舍窮庭在大角咀道的北端，現在都是四千元呎
大角咀道南端有個地方叫海桃灣，七千元呎
寒舍對面有個叫亮賢居的地方，年初五千大元，現在六千大元，頂層複式一萬大元
咪又係在西九龍一個叫大角咀的地方！
gowgow 2009-10-16 20:22
脫苦海2009-10-16 21:09
香港有d人想講的說話又唔願直接，係都要轉彎抹角先至夠「第四代」，你睇下原來想表達乜野：
我恐怕部份博客讀者還未捉到本文的意思，所以此文的反應在第四代聚集的FACEBOOK反而更為受落。
我想說的是，當第四代香港專業人士如醫生或律師，都覺得買樓有困難時，你可以想像到，那些未符合資格上公屋，卻又要面對住屋需要的年青朋友，又會如何處境。
我的答案是：代代香港人如要靠自己買樓的話，都唔係年青時代能夠做得到。就以筆者為例，第一次買樓都要在２５歲才買到半層。根本全香港人有四成半係住公屋或居屋，在社會上浮面果五成半人才需要為置業煩惱，而即使私樓都有各式各樣，唔夠錢又係都要買，咪搵層細舊遠的黎上車囉！
即使呂大樂博士所講的第四代香港人，根本就係前所未有地對別人及社會有咁多要求，對自己卻絕無要求，又話人地唔比機會自己，試未人類文明史五千年，有邊個時期係完全無機會，又有邊個時期周街有機會？
老頑童 2009-10-16 19:06
脫苦海2009-10-16 19:26
Seamus 2009-10-16 17:29
脫苦海2009-10-16 19:12
下面有個咁的例子：
http://doctorfat.wordpress.com/2009/10/15/%e6%88%91%e8%b2%b7%e4%b8%8d%e8%b5%b7%e6%a8%93/
看後筆者只覺奇怪，連這些收入只有他們幾分之一的家庭，也可以在今年買到西九龍的新樓，問題究竟出在那裏？
更何況為什麼一定要買新樓？現在每年只有幾千個新住宅單位落成，但每年有三萬對人結婚，如果結婚一定要買新樓，咁應該只有幾千對人結婚嘛！
根本就是在偷換概念，明明想講買唔起全新豪宅，係都要撻左個新同豪字，在自我設限扮可憐。
道理哥 2009-10-16 13:52
呢三年西環樓價同租金又點只升三成呢？樓主你不如請教下住西環既朋友，問下佢地同唔同意你"乘三成"既理論？做下RESEARCH，就知舊樓如均益南雄都唔止升咁少啦. 得啖笑.
脫苦海2009-10-16 19:18
那麼為甚麼西環升咁多？其實早排屯門一樣升得比大市多，因為九龍南線通車；07/08年沙田升得多，因為八號幹線；未來因為西港島線、沙中線、南港島線動工，有關地區的樓價就會表現得強過大市。
一如那些人說恆指升咁多八號仔做乜唔升？大市升三成，西環升多過三成，正是因為有些物業升得少過三成，這是簡單的數算常識。
有些人成世都買唔起樓，有兩個原因：１．無論樓價幾多錢，佢地都等緊跌；２．佢地只想對著買不起的物業傷春悲秋。
啥霖 2009-10-16 12:41
脫苦海2009-10-16 19:24
啥霖 2009-10-16 12:08
如果大家想買樓來炒, 用來投資, 當然希望買賣優質樓盤, 但是據『屎幣驅逐良幣論』 地產商推盤就會越賣越差的比大家... 當你買到一間所謂1200呎的發水大豪宅時, 要付出起碼要1800萬, 如果大家有1800萬CASH, 都沒有問題, 因為CASH 1800萬就系反映當時它在【夢幻中】的價值 , 不過, 大家只付15% 首期, 供85%二十年的話., 那就會在洪流中飄蕩不安了, 二十年的時間, 會否大通漲或或是通宿, 邊個知道呀?
脫苦海2009-10-16 19:22
小丙 2009-10-16 11:30
脫苦海2009-10-16 19:20
whywhy 2009-10-16 10:43
話你知：醫科生成本 300萬
本港大學生按修讀科目，成本有不同，但因港府規定大學劃一收學費，不設分科收費，目前每名學生每年只需付 4.2萬元學費，約佔每年學位成本的 18%，餘下成本由政府資助。
以每名本科生每年基本成本約 20萬元計算，文科生成本較低，每年需約 15至 17萬元；工程或理科則約需 30萬元；在眾多科目中，醫科生成本最昂貴，每年成本近 60萬元。若以醫科課程共五年，其中一年需前往醫院實習計算，培訓一名醫科生所需成本達 300萬元，換言之醫科生獲政府補貼較其他學科為高。
<-- 希望呢位醫生感恩, 佢已經比好多香港人由政府身上得到更多, 醫生仲有強大的工會去保障佢地, 醫死人又唔駛負責,人工又guarantee,仲有其他中剷人士, 唔好話自己咩著數都冇, 你o係香港讀書, 9年免費教育你有冇份?讀大學政府津貼你好多, 你可以好自大咁話, 我有今日完全係我自己既努力, 但你諗真下係咪真係你自己一個人就成就到? 點先叫公平? 我搵一萬, 你搵十萬, 大家都交 $5k 稅叫公平? 定係搵多d 既人交多d, 以免搵得少既人三餐不繼, 確保大家都可以生存, 為之公平?
脫苦海2009-10-16 19:35
whywhy 2009-10-16 10:34
3). 中剷︰要新，又要平，只可以去新界區。
<-- 我的家人想換新的公屋, 都只有上水可以選擇, 佢地都明白要接受現實, 上水都照去, 住新界好委屈咩? 你唔要, 大把人要, set 一大堆 constrains 比自己, 最終搞到 no solution, 係中剷人士的通病, 然後話政府迫死你
中剷人士冇權利享用福利咩? 你唔可以去公立醫院生仔睇病咩? 你要揀私家都冇計, 不過私家都可以死人, 你打 999 call 白車, 白車因為你月入多過二萬唔載你, 叫你坐的士咩? 公共圖書館唔比你入? 康文署屬下體育館, 游泳池又唔比你入? 你要去會所玩, 唔去同平民迫, 係你自己的 choice, 政府冇話因為你係"中產"而唔比你去玩wor...講野要中肯d
脫苦海2009-10-16 19:34
Koyumi 2009-10-16 09:45
脫兄,
你在文中引用的中期人口統計數字跟現實好像有出入。(可能是統計處的問題, 但亦不能無視)。
本人剛好2006-2009年都是在西營盤區住, 因為keep住搵樓租/買, 所以都幾了解該區的租價。A08, A11,A14,A15 的租金, 2006年起碼要6000-7000, 而家就要8000-9000。剛好大約升左1.3陪左右。樓價有不少已經非常貼近97價, 甚至同價。
希望脫兄在引用政府數據時, 也cross check一下現實情況, 以免在無意間作出誤導。
脫苦海2009-10-16 19:33
傑斯仔 2009-10-16 09:37
脫兄，我想講少少意見，我有D想講下個著眼點放係「公平」之上...
小弟都算就係「剷友」，唔否認自己的想法，同果位「港女」一樣~~~
所以自己買樓「觀」都唔洗詳談，都係想「晒」
但另一方面，想講下「公平」或「平等」住/買「新樓」呢個問題
首先，將全部人分為3類，低收入、中剷和富豪
1). 低收入︰ 如果係極低收入，有公屋、高少少收入有居屋，而地區選擇方面，全港都有得選擇(當然中區半山無公屋居屋)，當然只係選，未必一定得，但起碼叫做有個機會。
2). 富豪級別︰ 唔洗多講，邊區都可以買到新樓
3). 中剷︰要新，又要平，只可以去新界區。
正如中剷成日所講，稅又俾足，福利乜都無
當然我明白，世上就係唔公平，所以「剷友」成日出黎怨，我都深同感受，我地會諗︰「有錢人選擇俾我地多，無法，人地有錢大晒，但窮人選擇都比自己多，條氣就真係有d唔順law」
同樣情況，套用係醫療等其他公共項目都一樣，中剷出錢就最多，「著數」乜都無，等價交換？休想！
脫苦海2009-10-16 19:29
可可娜娜 2009-10-16 03:59
即是咁講, 三年前中剷港女個同事可以買得起某級數既樓宇, 今天中剷港女會同等級收入會買不起同等級的樓宇, 原因不是這位中剷港女白痴加三級, 而是同樣條件的借貸人, 當年銀行會肯借, 今天銀行手緊, 唔肯借.
因此, 我覺得用住戶月入中位數同按揭供款中位數去睇, 可能會有盲點同偏差. 因為, 銀行以前肯借錢俾果班人上樓, 今日已經唔肯了.
因此, 問題唔係淨係樓價升咗, 而係要加埋銀行批按揭嚴苛咗.
當然我無數字支持, 我都係隨口 up, 脫兄隨便丙吧. 但我想聽吓解釋當學嘢. 多謝!
脫苦海2009-10-16 07:18
睇唔到向銀行借錢買樓難左，尤其是公務員、教師、會計師之類的職業，更是銀行的特選客戶，或者醫生同律師有唔同的對待掛？
三年前買得起，三年後買唔起，有兩個問題：收入增幅追唔上樓價升幅（大約係三成），三年之前做乜唔買？大半年之前（比現在樓價平兩成）又唔買？根本那個中剷港女做緊的係尋租行為。
以現在計，銀行的放貸係無比寬鬆，九五按又得，按揭利息只係兩厘以下，即係買五百萬樓，借三百五十萬，利息每月只係五千幾蚊。相比筆者以前供嘉湖，利息是佔供款的絕大部份。
根本現在樓市搞成咁，正正係因為銀行批出按揭太過寬鬆，為他日樓市埋下計時炸彈。澳洲已經加息，令到美元跌，金融性商品如黃金石油等，其實樓宇何嘗不是金融性商品？睇下幾時有人上街政府干預砂糖白米。
達達達達 2009-10-16 02:48
脫兄, 樓下哪個叫柏堅的人, 不值得回應
留下他的鴻文給大家共賞也不錯
脫苦海2009-10-16 07:20
小魚兒 2009-10-16 02:43
脫苦海2009-10-16 07:40
柏堅 2009-10-16 01:30
黃世澤：又出醜！
作為一個考緊車牌，住響半山嘅香港中產，呢條脫苦海中剷中剷咁難聽，攞出嚟剷就差唔多。
小弟放得呢條友喺土共追緝令度，呢條友嘅福佳程度都係有番咁上下，但呢篇文嘅PS更係令我火氣上升。條友你養過車咩？住新界，由屋企揸出港島油錢幾 錢呀？隧道費幾錢呀？停車場泊車費幾錢？每年驗車費幾錢？汽車平日有乜損耗零件費幾錢？香港嘅車首次登記費幾錢？夾夾埋埋每個月養車嘅支出，分分鐘仲貴過 你供市區樓，咁又點計？香港各主要公路，特別紅隧引發嘅塞車要塞幾耐？無巴士專線優惠嘅私家車，要困喺條公路度幾耐呀？唔坐港鐵、巴士坐咩嘢。呢啲友仔十 之八九無養過車，至講得出呢啲風涼話。（真係養緊車嘅人，至唔會講得咁口響）
仲有，請大家睇吓港島某些地區嘅樓價發咗乜嘢癲：
1. 鰂魚涌南豐新邨要5700呎，南豐新邨都搞成咁，呢個絕對唔係乜嘢新屋苑
2. 筲箕灣俊峰花園要差唔多300萬。請問脫苦海先生，筲箕灣嘅住戶入息水平值唔值呢個錢？
咁唔怪得打去電台嘅醫生同律師要搞到住東涌啦，脫苦海講乜叉黑白雙煞咁難聽，唔知呢條茂利有無研究過依家專業中產係搵幾多，駛幾多咁，呢對中產夾埋 搵到，理論上可以住半山嘅樓，但佢地實際可以買得咩？依家果啲係乜樓價嚟架。肥醫生都講，專業責任保險，規定進修嘅費用都唔少，仲未計交稅養曾特首呢班膠 人。香港有能力嘅人，走去英國或者歐洲國家，甚至新加坡定居仲好，至少果度有合理嘅環境。以往英國殖民政府諗計留住人才，依家？中國殖民政府，同果啲晉惠 帝級嘅膠人，眼裡只係有錢同地。人？唔駛理喇，訓街都唔關我事。
曾蔭權同脫苦海都係晉惠帝級嘅膠人，我不反對樓市要軟著陸，呢個係銀行系統嘅問題，但如果個個都好似曾蔭權同脫苦海咁諗嘢唔經大腦，香港等民變喇。 對住呢類人，唔駛客氣，入去佢博客鬧爆佢喇。我睇佢點回應依家我地呢代人嘅憤怒。有樣嘢，做人有所為有所不為，呢類博客好心佢就收工吧。
脫苦海2009-10-16 07:23
賓加：「今日樓貴我供唔起，他朝飯貴我食唔起。」
脫苦海：「話中剷唔識渣車係客氣，話中產養唔起車係侮辱，自稱中產大叫供唔起樓養唔起車，係對其他人的侮辱。」
鄭大眾 2009-10-16 00:35
脫苦海2009-10-16 07:25
後生仔 2009-10-16 00:27
虛假需要/炫耀性消費/港女公主病其實係經濟發展搵錢至上為單一核心價值既香港反映. 依班人既happiness都係建基於酒店式大堂/偽豪宅階級/唔夠錢都死沖闊路入半山地段買細單位. 真係好奇特!
識唔少劣師(反而醫生就未見過)周身負債仲要死都要入各大golf/遊艇會渣靚車. 但平時自己就節衣縮食除非見人聚會扮豪一次. 生活與心靈質素真係低過一個冇/低負債又生活得簡單開心既打工仔.
最恐佈係, 如果真係精英金字塔最尖部份既醫生及劣師都講得出依段野.咁未來既港人治港真係冇眼睇!!!曾特首今次真係理性, 數據冇呃人, 買唔起又死都要買既就要去偏遠或吊腳區. 好正常. 估唔到特首夠膽與偽中產對著幹仲講出口. 反而要讚下佢既勇氣.
脫苦海2009-10-16 07:29
呢份施政報告可能係有人在背後捉刀，佢講的不只是樓市政策，而係透視左香港城市未來發展的方向，下周專文詳談。
別的不說，為甚麼要把中環的商業用地全部封印，寧願留黎做社區中心、海濱走廊、藝術創意產業，都唔用黎起商廈呢？
Keegan 2009-10-16 00:09
兩人月入除稅後都有起碼六萬
如果咁都買唔起, 全港人90%都買唔起
港島四五千/呎都有, 北角區, 二十年以上
新的西環, 上環, 樓齡十年內, 五千起, 六千餘大把選擇
搵個六七百呎的, 一定供得起
但如果一買要買近1000呎
又要灣仔/中環區
真係慳D啦
脫苦海2009-10-16 07:32
天生我地出黎無對翼無個腮，我地就在地上爬。
有ｄ人唔份氣，就發明左船、飛機同潛艇。
當然更多人只識自怨自艾鬧天鬧地。
Beckham 2009-10-15 23:53
I have a friend, she is working in insurance industry, and was living in the Junk Bay a few years ago... She works very hard, 3 years ago she moved to Mid-level, central. Now she has moved to the Arch in Kln Station. She bought the flat at about $4.xx million. It is currently $8 million.
Most HK people has depended on their own effort to move up and up. Usually they will start from low-cost flats first.
脫苦海2009-10-16 07:34
爛車唔上永遠無車上，呢個道理無需要專業知識都應該知。都唔講到2003或2005咁遠，2008年9月至2009年3月，呢兩件中剷做乜唔買？
WILL 2009-10-15 23:47
脫苦海2009-10-16 07:35
Beckham 2009-10-15 23:37
With a 600 sq ft @ 5000 /sq ft, the house price is $3million. 70% mortgage means that loan = $2.1m. The monthly instalment (suppose 25 years) is about $10000. If they are both professional, they should have at least a total family income: $20000 x 2 = $40k. Why they cannot afford to buy a house? Note that there are plenty of good choices of flats in city around $5000 /sq ft.
There are several reasons for being unable to buy a flat:
1. They may have committed too much consumer loans
2. They do not have sufficient saving for downpayment. However, they can use 95% mortgage facility.
脫苦海2009-10-15 23:39
Dark 2009-10-15 23:33
i think about yr essay at the time........hahaha
脫苦海2009-10-15 23:38
費高 2009-10-15 23:33
脫苦海2009-10-15 23:37
高登咁反官府都唔buy喇！
http://www.talk-global.info/redirect.php?tid=8749&goto=lastpost#lastpost