段皇爺點解唔救瑛姑同周伯通個仔──皇帝仔定便宜仔？(2009/12/01)

政治原因？

點解仲未救杜拜？　大明燈　孫柏文

上星期，中東阿拉伯聯合酋長國中一個首長國杜拜，宣布佢地既債務，暫時唔遠住。消息一出，原本第一日都好似冇乜特別，港股在上周四都只係跌幾百點，點知到上周五就好似反應遲鈍咁跌成千點。

相信大家都將注意力，集中係呢單消息身上，想知牽連有幾大。特別係點解港股反應會咁遲鈍。

其實，杜拜宣布唔還錢，唔係新聞焦點所在。佢地近月來，都已經陸續有宣布向供應商等拖數，所以佢地話可能暫時唔還錢。係預期之內。因為大家都知，雷曼兄弟後，有大債仔出事，必定有人救。一有人話冇錢還，ｄ債主只要買定花生，就可以等白武士出手相救。亦解釋到點解消息傳出後第一日，港股都只係跌幾百點。

點知，事件既新聞位，係之後果日發生！當ｄ債主等緊白武士出現時，平時會即刻宣布救杜拜既姊妹首長國阿布扎比，就唔似ｄ債主預期咁樣，反而話唔會無限量支持杜拜。唔係即刻救？港股即時跌一千點！

杜拜一宣布唔還錢，就走去放長假。天下記者們都搵唔到ｄ官解話，傳媒統稱為「資訊真空」。咁做當然即時被批評處理手法「混亂」，講到杜拜官員唔知自己做緊乜。如果你咁話，就大錯特錯。

我相信，杜拜ｄ官其實係特登炮製呢個局面出來，迫阿布扎比救佢。不過出到呢招，真係落重藥，阿布扎比真係好唔想救杜拜，杜拜先咁做。

點解以前救，依家又唔救？筆者呢幾日睇到最合理解釋係因地緣政治先未救杜拜。更重要係花旗國想郁伊朗。咁關酋長國姊妹咩事？阿布扎比係花旗國係中東其中一個最大既盟友。但杜拜係金融業就做好多伊朗人生意，多成點？杜拜機場單一最多航班往來既國家就係伊朗。

當花旗國要經濟制裁伊朗時，伊朗人只要到杜拜開戶口，就可繞過制裁關卡。所以要有效制裁伊朗，必要杜拜合作。問題係伊朗人既生意好做，杜拜當然唔想放棄，平日風平浪靜時，迫都冇得迫。不過，今次佢地出事，就係要杜拜合作之大好良機。

咁既情況下，杜拜唯有反檯，玩鋪大。如果債主銀行冇散貨，手上最多杜拜債券，即最受影響既銀行就係英國的銀行。英政府已出錢幫緊佢地，所以一定好想快ｄ解決。杜拜知道奧巴馬好快要宣布阿富汗要增兵，如果英國突然係阿富汗唔玩，奧巴馬好大鑊，所以就出呢招。

至於究竟點炒呢個市？都係睇美元。六個月來，每次美匯指數升到50日平均線時，美元就會回落，即其他資產價升。你可能同我一樣唔信技術分析，不過，當人人都係咁炒時，有人話齋，有智慧不如趁勢。美匯升唔穿50日平均線，個市都係要升。

經濟原因？

杜拜發展好高騖遠 

2009年11月30日

施永青 
    
大約五六年前，有杜拜的地產發展商到訪我公司，希望我們作他們在香港的銷售代理。我本著了解一下也好的心態，接見了他們，但最終沒有接受他們的委託。

我作出這個決定的原因，並非他們承諾付出的佣金不吸引，而是在了解到杜拜地產市場的狀態後，感覺有點不對勁。他們實在過度有為，好像只要有錢，就可以不顧其他客觀條件，也可以搭建一個大都會，甚至是一個金融中心。

有錢，當然可以建全球最高的寫字樓、豪華的酒店、甚至最大的人工島，但不代表這些建設符合社會發展的需求。將來是否有足夠人口去入住突然興建出來的房屋？

是否有足夠的商業活動去使用這些新建的商業樓宇？在海上建人工島，成本是否過高？將來的管理營運會否成了沉重的負擔？總之腦海中湧現出一連串的問題，而且答案都是否定的。

後來，我有機會到杜拜一遊，參觀過當地的一些地產項目，更加覺得他們不切實際，好大喜功。當時，他們還沉醉於幻想之中，被工程進行中的一片繁榮所迷惑，沒有設想過，工程完成後，社會可如何吸納這些新供應。

其實，在地產熱潮的起步階段，差不多所有人都是得益者。政府的財政收入因賣地而增加，令他們可以大搞基建，並為市民提供更好的福利，民望因而大升。此外，地產業還可以帶動連串相關的行業，包括建築、法務、代理、裝修、家電……等，為商界帶來很多機會。於基層勞工而言，工作的崗位會增加，工資的水平亦會被搶高，整個社會都會皆大歡喜。

然而，杜拜的人口只有137萬，約為香港的五分之一；但當年我在杜拜看到的工程項目，比香港八十年代的高峰期還要多。就眼望過去，在興建的項目比已建好的樓宇還要多，很難想像，這些建設完成後，市場可如何消化？

所以，我不敢把這類不切實際的項目推介給我們的客戶，我擔心它們會把客戶的錢套死，令他們以後都沒法再幫襯我們，這豈不是等同殺雞取卵？

我擔心今次杜拜出事的，不單是一個棕櫚島項目，他們整個城市的發展概念與營運模式都有問題。可以預期，還有更多的公司會陸續出現財政問題，還有更多的樓盤會爛尾，更多的買家會撻訂，更多的樓宇會空置，更多的貸款會難以收回。

在這種情況下，即使阿聯酋的其他成員國肯出手相救，也只能阻止危機擴散，而不能令那些不切實際的項目起死回生。現時再去增加投資，等如是拿活錢去救死錢，只會增加損失。銀行界還可以做的，唯有是逼當地政府出來分攤部分損失。

(轉載自2009年11月30日am730C觀點)

文學原因？

呢舖講法係聽自飯局，大家可以當係笑談：裘千仞為想消耗段皇爺的功力，以便能在華山論劍少個對手，就把瑛姑（劉皇妃）的兒子打個半死，以便段皇爺救兒子而動真氣。不意那孩童是瑛姑與周伯通私通所生，段皇爺當然唔救喇！

呢個故仔亦是香港人需要警惕：今天經常要求北大人給這給那。媽媽有兩個奶，餵得康熙又餵魏東延。皇帝仔當然緊要過親生仔，但總有一天便宜仔不及親生仔，兩個只能活一個，你話人地點揀？

杜拜這種奢華西化的次文化，本來就與阿拉伯或伊斯蘭教文明格格不入，閒時相安無事，真的有事才見真章。正如香港的普世價值次文化，與國內亦是格格不入．．．（下刪一百萬字）