最衰都係嘉士伯，喜力都難辭其疚──道姑人權ABC(2009/07/21)

昨天新聞播出這名道姑的「人權宣言」：

翌日報章有社論講述，又有老師為文反駁，看在筆者眼裏，道姑將吸毒被拘留與「人權」扯上關係純屬吹水，也不見得佢真係認為可以拉得上關係；報章以之為社論乃順手抽水；至於老師認認真真對待這類「吹水加抽水」的東西，筆者只會覺得「何必太認真」呢？

筆者真的有興趣問這名道姑，在鏡頭前如此這般，究竟係想表達：

A. 勸導別人不要像她那樣吸毒

B. 提醒道友們不要在國內吸毒

C. 要求改善拘留所的環境同待遇

如果是A.，拿你地唔想好似我咁樣衰，遠離毒品，向毒品說不吧！但聽落佢似乎無呢個意思，而是想暗示吸毒唔係乜野大不了，又唔係殺人放火，又唔係販毒，只不過係減下壓，大有一套「我錯都係你唔O岩」之勢。可是既然販毒是與殺人放火並列的事物，道姑你ｄ毒品又點樣黎？咪又係ｄ十惡不赦的毒販賣比你？況且「Ｋ仔營銷界」有所謂「食一半，賣一半」，唔係販毒，都總試過藏毒麻！唔藏又點食呢？

如果是B.，筆者即時想起一對句子：

永遠退出「香港」娛圈

以後唔返「大陸」索野

咁下次記住唔好去國內吸毒路喎！去新加坡喇！一捉到就戒得甩，好多澳洲人都試過。

如果是C.，咁就係嘉士伯唔O岩肋！

下次要阿姐坐籠，起碼都要有喜力水準：

實情係：

我在深圳拘留所的日子

7:00am
起床梳洗（ 10人共用一牙刷及一毛巾）

8:00am-11:00am
早餐（白饅頭）
早餐後返回 60人共住的房間，各人在自己所睡的木板上打坐；其間不得發出聲音或郁動，有人違反即會關風扇、關門及關燈作懲罰

11:00am-1:00pm
午飯（蘿蔔菜）
飯後午睡

1:00pm-5:00pm
回房打坐（規矩一樣）

5:00pm-10:00pm
晚飯（蘿蔔菜）

10:00pm
飯後再打坐（規矩一樣）
洗澡（ 30人在一間大冲凉房內，用 10條水喉限 2分鐘內冲完）
洗澡後關燈睡覺

註：女犯如遇月事， 24小時只派一條衞生巾，不夠用者自行以公共毛巾清理，洗乾淨後給其他人用

資料提供：深圳龍崗拘留所被扣索 K港女晁玉勤

另外幾位道人的專業意見：

另一獲釋青年阿威（化名）亦似乎怨憤多於慚愧，說自己今次被驗出吸毒純粹是「唔好彩」﹕「千年萬年都無出去玩一次，想不到為應酬朋友，竟然要『踎』拘留所15日，真倒楣！」前來接內地女友的大馬華僑「肥佬」亦說，事發當晚共12名朋友在的士高消遣，查牌時友人雞飛狗走，他知道女友被驗出吸毒，亦有數名友人「失蹤」。肥佬滿不在乎地說，索K在印尼    及馬來西亞    時興多年，又說﹕「索K根本不是吸毒，只是讓腦袋輕鬆一下……要拉就拉販毒啦！」

內地過來人﹕算優待了

對於有獲釋港人投訴深圳拘留所環境衛生惡劣，一名曾在廣東多個拘留所被拘留多次（每次都為半個月）的內地人昨日對本報表示，據他了解，國內許多拘留所就是這個樣子，深圳拘留所如此對待香港青年已算優待了，因為他們出來幾乎毫髮無損，「要是換上內地居民，誰由拘留所出來不被『脫了一層皮』？」

中國監獄由司法部管理，法規制度相對較完善；但拘留所由公安系統管理，在押人員多屬短期，因此硬件和軟件配置都不正規，被囚者待遇往往較監獄更差。

香港人聽到民主自由人權，可能已經聽到麻晒木，有人公然強姦人權，居然要為之開道，無論係吹水港女，抽水傳媒都係。