哈蘇

菲林相機係我黎緊會加入o既成員，上月買了2手"哈蘇"相機，雖然買2手係有風險，盡可能我都希望買新機，但"哈蘇"一D都唔平，如果一開始就買新的，恐怕我應付不來(資金方面)，而且從來都未用過、未掂過，就算買左唔鍾意都冇咁傷。

佢年紀同我差唔多，睇相已經覺得好得意，買果日拎上手試，不得了！好得意！好新奇！左右倒轉的景物，全手動操作，第一日已經愛不釋手。還與上手機主在快餐店傾了個幾小時，上手機主還教我使用方法，買配件、沖哂的好地方。

我第一樣要影o既，當然是我的寶貝仔仔，然後再影夜景，試試效果。沖哂需要約一個星期，好期待，久違了這種期待的心情。

相片沖哂後，發現有問題，但不知道是什麼問題，是我回菲林時出了問題？還是.......，我到相機替這個新玩意添置配件時，順道問一問店員，店員推測是"老人病"，現正留醫待整機師傅檢查。雖然有點失望，但我不覺得上手機主存心欺騙，始終年紀大了，沒有人能保證什麼，而且如果明知有問題，就不會與我談這麼久，只希望維修及零件費不太貴。

雖然如此，雖然菲林昂貴、沖哂昂貴、沖哂時間長、沖哂地點唔方面(暫時知道最近要去到北角)，我還是很喜歡，還要替它購入新配件，還要它替仔仔影靚相，希望我可以快D上手，浪費少D菲林及金錢。