鴛鴦

最近先發現，原來熱鴛鴦係咁好飲嘅！

呢杯野，真係香港飲食界一個偉大嘅創作！

港式奶茶已經夠偉大，但加埋港式咖啡，就更厲害，真係唔使讀大學，都知咩叫synergy！咖啡、茶、奶香，三種加埋，簡直教人感動！

真係要頒個獎比鴛鴦嘅發明者，發記茶餐廳嘅大慒發，慒下慒下沖啲咖啡落奶茶度，先有今日嘅特飲！

不過一變左做凍鴛鴦，感覺就差好遠了...

以前一向都剩係鍾意飲凍飲，冬天如是，加兩蚊三蚊亦如是。貪佢飲落肚凍冰冰，爽呀！最近偶然飲左一杯熱鴛鴦，先知道走寶。

等陣又去飲番杯先~