開始倒數! 仲有20日!

唔經唔覺已經只餘下20日就到大日子啦~~ 希望我可以黎緊呢20日, 好好咁將我準備婚禮既事記錄落黎啦 ^^

唔知係我人高定係我好肥呢? 我對腳由細到大都比其他人大! 而家既我, CONVERSE 已經要著40號, 平底個D婆仔鞋仲要去到41添!!

我既婚禮, 其中一樣令我好頭痛既就係我對鞋啦! 不論褂鞋或者係婚紗鞋........ 都要經過好長既時間先搵到合適!

金都內好多店舖都有褂鞋出售, 但每一間就算有11號size, 我都唔岩! (好明顯佢地係勁唔足碼!!) 當我仲好擔心唔知點算既時候, 有一日經過 Nokia 維修店外既一間鞋店, 呢間就係好多人都勁讚既 "蔡生" 個間~ 佢地有41號褂鞋, 而且仲好足碼~ 最重要係 70蚊有交易~ 既然只係著得一日, 買對平平地既, 絶對值呀!

另外, 婚紗鞋我一直都係諗住買對勁普通既銀色平底尖頭鞋, 但唔知係咪因為已經轉晒季既, 竟然行晒成個海港城, 郎豪坊, 荃灣都無一對岩!! 攪到最後我都係去左金都用 $228 訂做一對...... 我一直都唔想訂, 係因為唔想買一d只係用得一次既野, 而個價錢係唔值既!!! 不過因為腳大既我.... 所以今次無得選擇!!