Honey Moon! 浮羅交怡!! Day 3

來到第三日, 今日唔可以再訓到黃朝百妟啦~ 因為我地今日將會去玩期待以久既浮潛 &潛水~ 我地今日要搭7點半船出市中心, 所以6點幾就起身, 換過衫後就極速去食早餐~ 食飽飽後就搭goft車出碼頭~ 今日就旅程正式開始!

我地參加左一個叫 "Langkwai Coral" 既 local tour, 湯米上網check過,呢間既島係最靚, 同埋lunch有buffet食~ 我係機場隨便搵左一間中介公司, 佢offer RM320 一個人 (原價好似要 RM350一個人) 包浮潛, 深海潛水 (大約二十分鐘), LUNCH BUFFET, 酒店接送~ 出發之前一晚 book 就 OK! 都幾方便~

早上大約8點, 接我地架車來到碼頭, 大半個鐘頭車程就去到 "瓜鎮" 既碼頭, 之後再上左一隻好似去澳門咁樣既雙體船, 又搭左個幾鐘, 到達目的地好似已經11點了........

船停左係海中間既浮台，呢個浮台將會係我地既午餐地點，浮潛既出發點，深潛既落水點，換衫，去廁所～總之咩都係呢個浮台上做啦～　教練話，浮台下既水深有１６米。。。。。。。　所以每次落水都記住一定要著救生衣呀！

好清既沙灘～　離遠都可以好清咁睇到水底ｄ珊瑚礁，真係好想快ｄ跳落水呀！！

首先教練會講解一下浮潛Ｄ用具係點用，同埋講下邊到有ｄ咩玩，下午一點會去喂沙魚等。。。。　之後大家就自己顧自己啦～～

成個海好多魚～　多到得人驚！！

準備去浮潛啦～

如果你想有多Ｄ魚埋你身，你只要比Ｄ面包佢地就會來嫁啦～　有時佢地食唔到飽，　就會咬你隻腳添嫁～

１２點幾，食過唔好味既ＬＵＮＣＨ後，我地就搭小船去旁邊另一個沙灘，目的係　－　睇人餵沙魚～

Ｄ沙魚唔係好大條，所以好淺水既地方都游到～

睇完沙魚後，我地就去左玩深海潛水。。。　不過我地用左即棄既潛水相機，所以而家未有相呀。。。。。。。。。　潛水真係好好玩嫁，可以親手摸下Ｄ珊瑚，海膽等。。。。。　好想玩呀！

之後再游下水，ＨＥＡ下。。。。　３點半左右就開船走啦～

大約４點半，返到"瓜鎮" 既碼頭，我地無搭原本車我地返酒店，因為我地要去浮羅交怡既地標　－－　神鷹廣場！　

個天好藍呀～～　神鷹廣場旁邊的屋？　（其實我唔知係Ｄ咩。。。）

好有氣勢既神鷹！

自拍照。。。　証明我地到此一遊～

遊完之後就去搵地方食飯～　中途見到一個石壁，係浮羅交怡既地圖！　

湯米指住既就係我地間酒店果個島啦～

夕陽無限好。。。只是近黃昏。。。

今晚食果餐又係海鮮。。。不過我就覺得唔係咁好味。。。同埋我有Ｄ肚痛，所以只係想快快趣趣食完就算數。。。。　之後又趕８點半船返入酒店！

今晚，酒店送左一個蛋糕比我地，個樣都唔錯嫁。。。　不過可惜係椰汁味，仲要係好濃味個隻！！！　湯米又要一個人自己慢慢食啦～