收藏品...

我相信每個人都會有一D既收藏品..... 而我同湯米都唔例外啦~

眾所周知, 湯米係一個巴士迷 (咁當然唔係日日拎部相機出街係咁影果D啦....) 所以佢收藏既巴士多到不之得了............. 我地屋企有一個飾櫃, 全部都係放滿佢既巴士..... 而鞋櫃上面亦都快將爆滿............ 不過, 佢仲有好多 "珍藏" 佢仲未放出黎, 全部收埋係櫃內!

有一日, 我終於忍唔住問湯米 :

我 : 你不斷係咁買巴士返黎, 如果你第時死左, 咁D巴士點呀????

湯米 : 我會教我個仔鍾意巴士! 傳晒d巴士比佢lor~

我 : 如果佢唔鍾意呢?

湯米 : 咁我就要D巴士同我一齊陪葬~~

我 : 好重嫁WOR!!! 點放得晒呀???? 不如我都係幫你當廢鐵賣晒佢把啦~~~~ hahaa

湯米 : 我殺你呀!!!  > <

哈哈~~ 既然又帶唔走既! 點解又要繼續買呢????? 

我地屋企己爆滿既飾櫃~

-------------------------------------------------------------------------------------------------

以前既我, 會將d收藏品唔拆原裝既包裝紙或包裝膠袋就放好, 總係覺得有野包住佢就可以歷久常新~ 但每年新年前去清潔既時候, 個包裝袋都已經滿是塵埃..... 包裝袋一年比一年殘舊! 內裡既物件都已經睇唔清楚....

突然間會諗, 點解我要唔拆個袋呢? 點解我要睇住個殘破不堪既袋呢?? 人一世物一世, 點解我而家唔好好咁放一件完完整整既物件出來? 可能到幾年後, 到我已經對呢件野無興趣時, 先發覺我無認真咁賞識過佢呢??

所以, 從此我就將所有我既收藏品既包裝袋拆晒! 好好咁欣賞, 免得日後有任何後悔!!