20081030 - 女家敬茶編

成功接到新娘後, 就要進行敬茶儀式啦~

(睇返d相, 發現我買果套敬茶套裝竟然只係用左個托盤.... d杯變左用紙杯!!!!! 激死我啦!!)

拜過神後, 首先就敬茶比我爸爸媽咪~

爸爸幫我帶起金扼~ 旁邊既係我家姐~

接過利是後, 我阿媽阿爸開始傻左......

首先係媽咪不停錫人, 先錫湯米, 之後錫我, 最後又鍚爸爸.....

再敬茶時, 爸爸又比杯茶我飲又比湯米飲......... 哈哈哈

接住就係敬茶比我最愛既契媽 & 契爺~

契爺自己結婚時都無著西裝, 而我結婚就由頭到腳, 由內到外置新裝~

睇下幾靚~~

姑姐 & 姑丈

今日好多親戚由大陸專程落黎, 其中包括 - 二伯父

契"女爺"

長髮姨姨~

舅父仔, 姨媽~

最後係敬茶比我家姐, 細妹 & 細路~

我地4個唔係好似樣~~~

一家人影張相先~

未到 big day 之前, 我成日會諗, 係針茶時我一定會喊...... 因為我係一個好容易喊既人..... 點知, 呢個朝早我一d想喊既感覺都無, 而且仲全程笑容美面添~~