Honey Moon! 浮羅交怡!! Day 2

由於今次旅行另一目的係hea.... 所以我地由尋晚9點幾就上床訓教, 訓到今日朝10點幾先起身 ^^ 好在仲趕得切食早晨, 如果唔係就蝕啦~~ 不過早餐只提供到11點.... 再加上今日天息唔多清, 同埋如果想join local tour 要一日前 book, 所以我地決定先去酒店泳池游個水, 然後下午再去浮羅交怡必到景點 cabel car & underwater would~~

為左honey moon, 買左兩套比堅尼~ 第一套係藍色~ 好鍾意呢隻色~~ 唔該晒 Denis 呀^^

泳池無乜人游水~ 好似為我地而開咁 ^^

游左一陣後, 就去左沙灘晒太陽~ 正到暈呀!!

下午一點幾, 我地就搭快艇出去市區, 我地上船前已經同酒店講需要一部的士, 10分鐘船程後, 已經有一部面包車的士等緊我地~ 效率都幾快wor~~

第一站係cable car, 由碼頭去cable car 要 RM18, 車程大約半小時..... 入場費係每人 RM25.

呢度架覽車同海洋公園既差不多, 只不過行車時間同高度就好唔同, 因為我一上車無耐已經覺得有畏高既感覺........... 唔係講笑, 真係好驚........ 呢度最高點有710M..... 都咪話唔高!! 仲有, 呢到係分幾個山頭, 每去到一個站你可以選擇下車, 一共有3個站, 不過都係同一條覽車, 好特別, 岩晒我地就D又想去多D但又唔想行既人 ^^

終於上到最高既觀景台~ 好 yeah~~~~ (開心到飛起! 因為搭覽車好驚.....)

週圍都係山............................. 有一條連貫兩個山既路, 不過今日要維修, 所以我地行唔到..... > <

高難度動作!!!! 單手扶住欄杆成個人坐係欄杆上!! 仲要擺晒舖屎~ (邊有人咁百厭嫁???!!!)

難得有人幫我地影下相~ 笑!

因為人地幫我地影睇唔清個樣既關係.... 都係要自己來 (又自拍!!)

兩個人自由行, 最好既就係可以自定每個景點停幾耐, 而我地停留既原因通常係為影相..... 如下圖, 扮大力仕!! (無聊的人......)

玩到4點, 要去第二站 Underwater World, 由cable car 去呢到司機開價RM25, 但後來佢又不斷叫我地自己隨便比.... 我地最後比左 RM22......... 好似好衰咁, 話晒個司機都等左我地個幾鐘.....

呢個水族館唔算好靚, 可能因為學湯米話, 最靚果個已經係海洋公園啦........... 所以絶對不值一去......... 浪費金錢.............

行完水族館, 就去旁邊既商場行下, 又比我見到好大支既珍寶珠呀!!!!!!!! 不過我又係無買....... 因為我怕會食死我!!!!!!

行完商場已經日落啦.......

途經一間網bar~ 驚見上網只需 RM 1.9/hour, 我地係酒店要 RM10/hour 呀!!!!!!!! 點都上返一個鐘先啦 ^^ 有幸同我異地通話 (MSN) 既有 R仔 & Alan~~ 恭喜晒!!

之後我同湯米就去左附近一間叫 Lucky 既中國餐廳食晚飯~ 呢到最出名既係 "奶油蝦" (右上角), 果然名不虛傳~ 正到爆!!!  其餘既有蛋包雜菇, 椒鹽賴尿蝦, 甜酸雞 & 唔知咩尤魚~~ 樣樣都好好味!!

食左大半個鐘, 要趕船返酒店啦.................. 明天將會去期待以久既浮潛&潛水啦 ^^