倒數15日

對於我黎講, 成個婚禮除左我D衫要靚之外, 另一樣重要既就係一個結婚蛋糕啦!

一直以來我都好唔鍾意酒樓個D供拍攝用既3層結婚蛋糕, 因為我覺得同一個蛋糕, 每對新人都會用來影相, 好似無左D意義咁........ 所以我一直都好希望有一個屬於自己既3層結婚蛋糕!

由決定結婚開始, 就已經開始問朋友有關蛋糕既問題, 但拖拉到呢個幾星期, 發覺有好多諗唔通既問題, 例如: (1) 如果我地真係訂3層蛋糕, 個蛋糕安排係當晚註冊後切, 咁D賓客仲會唔會有胃口食晚飯呢? (2) 如果安排切真蛋糕係6點半左右, 咁當晚註冊時咪又係要再切個假蛋糕影相lor????

仲有好多其他問題....... 但已經無時間再諗啦, 所以我搵左一個自己想要既蛋糕款式, 然後比左美心報價! 回覆係:  3層要訂最少 25 磅, 2層要訂最少 10 磅!! 每磅 $138, HSBC有8折.

同湯米經過一輪相討後, 我地最終都係訂左一個2層蛋糕..... 切餅時間大約係6點半 (因為唔想買左個蛋糕無人食!) 再加上我地 BIG DAY 係星期四, 所以應該D賓客唔會好早到....... 所以唔訂咁多磅!!!!

以上所有安排已經唔係我之前所諗.... 不過算啦, 返正成個婚禮仲有好多其他細節, 呢樣做唔到自己所想, 咪唯有係其他地方做好D LOR~~~ (自我安慰中!!)

呢個就係我心目中想要既最簡單結婚蛋糕~

http://hk.myblog.yahoo.com/pikku-taotao/article?mid=1829