8月10日小欖燒烤樂園下水禮

第一次、第一次....終於都游到水喇~~
之前媽咪同姨姨約D朋友仔去游水,但次次都有阻滯去唔成，
但係尋日終於都游到喇~我地參加由Joe婆婆同Lois姨姨搞既BBQ活動,
BBQ場隔離有個沙灘,所以就促成左我既第一次既下水禮喇~Yeah~~
今日有老豆、媽咪、姨姨、怪獸叔叔&怪獸姨姨(即係黑妹&細佬既爹地媽咪)
仲有好多朋友仔當然係有黑妹啦、細佬啦、仲有樂樂、餅妹、棉花糖、拖肥糖、吉吉、妹妹、三斤、嬌嬌........哎........總之就有好多好多啦,多到記唔晒添呀!!

落水喇~落水喇~yeah~.......咦.....點解d水好似咸咸地既!!??

黑妹又落埋黎喇!!                          喂~咪走埋一邊啦~過黎一齊玩啦!!!

仲有細佬呀~阿姨影漏左你第一下落水既相呀!

望清楚呢個唔係我黎嫁,係咪好似呢?
因為之前好似未見過,阿姨問左好耐先知,原來佢叫嬌嬌呀~~我地真係好似樣!!

睇我幾好精力~游得又跑得~簡直係入水能游,出水能跳呢!!

同媽咪在水中央影相~ha...幾寫意!!

呢兩個小朋友好搞笑,佢地未落水隻手仔已經o係到抓下抓下....游緊........乾水^^"

阿姨話呢2張主題係.....夕陽下的黑妹...&...夕陽下的唐唐!!果然係好正,好有feel呢!!

途人 : 有小朋友浸親呀!有小朋友浸親呀!!
喂~唔知唔好亂咁嗌呀,唔係一陣差人叔叔黎到,話你玩野亂報警嫁喇,
細佬佢只係o係到游緊水之嘛,大驚小怪,咪生人唔生膽啦!!
haha.....不過細佬你既游姿又真係幾搞笑既,笑死我地喇......kakakaka

我唔係冇膽走去抓阿媽隻腳呀,我只係見有浪打埋黎,o係到跳緊浪咋~醒哩

媽咪同姨姨幾經辛苦抱果2隻冇膽自己游出去既怪獸行出d等佢地游下水,
行得咁辛苦梗係要黎張合照先啦!!
有冇留意到我地3個條頸仔都帶住條巾巾呢??
係怪獸姨姨自己整黎送俾我地嫁,多謝晒~辛苦晒呢!!睇下我地幾smart!!

佢兩個攤得幾寫意!!

怪獸一家散步呀~怪獸媽同怪獸仔o係夕陽下影相,好浪漫呢!!!....hehe

之後我地游左一輪水,走返上去媽咪,姨姨佢地再燒左一陣野食,等佢地換埋衫就差唔多走lu~
真係唔該晒Joe婆婆幫我地叫車咋,佢地大頭蝦到死呀,8:00先黎叫車人地收晒工啦~
如果唔係Joe婆婆既話,都唔知點算!!!今日我玩得好開心呀,返到屋企姨姨幫我沖完涼之後我就攰到攤左o係地下到瞓左lu......zzzzzzz........
總有.....細佬...黑妹....下次我地再一齊玩過丫!!不過你要記得提姨姨叔叔佢地記得帶衫衫去換喇,咪再咁懶唔帶去喇~唔係你地又冇得游喇!!!
細佬 : 係喇,係喇~等我下次再表演我嗌救命式游姿你睇啦~
黑妹 : 阿細佬.....你唔好笑死人唔駛本啦~~kakaka!!