網誌分類：工作論 |
本週黑氣全身
黑氣事件一：
上星期一係遍地芳菲學生專場+Closing，
咪就係八號風球0個日囉，
班學生超 low grade，
無禮貌唔尊重表演者，
嘈到 D sound cue要大5db，
最後燦燦謝幕都忍唔住鬧爆佢地，
宜家班 Z世代都唔知係 D 咩人？
打風冇得慶功，
我都係第一次，
我地 SM 小 team members 自己慶個小小功，
返到屋企我就擔心喇，
好大風同大雨，
我間屋會唔會頂唔住架！！！
第二朝起身，
我間房又多左好多漏水水印位，
但係同屋間房一 D 事都冇，
電視房都有事，
仲要係窗位，
唔係租一年又要搬呀？
黑氣事件二：
星期二拆完野，
一心等男友電話，
約左佢食晚飯同睇戲，
佢居然唔記得左，
不幸之大幸，
李寶寶都想睇同一部戲，
0係我半熱烈請求下，
佢唔返屋企同屋企人食飯同我去玩一晚，
Ron 姐坐的士好心車埋我地去香港站，
點知打風後中環人遲放工，
七點二十分奧海城戲院睇唔到喇！
食晚飯先啦，
點知同屋冇帶鎖匙，
點算呀！
最後佢返阿姨度取回，
懸疑大片～好正呀！
黑氣事件三：
Brandy仔星期四做絕育手術，
佢返到屋企又唔食又唔飲，
要餵到埋口先得，
不過唔驚，
佢玩我咋，
同屋見到佢自己係會食會飲，
等左一天，
佢上天台會呵 VV，
一條河咁呵出黎，
第二日同屋執到屎屎，
佢根本冇受手術影響，
只不過佢鍾意蝦我！
黑氣事件四：
星期六廸記開工有人遲到，
星期日廸記開工我夾到手指尾，
好痛好痛好痛，
忍到放工去左 St Teresa睇夜診，
好貴但服務冇養和咁好，
所以下次都係返養和，
好彩有買意外保險，
貴都有保險公司賠，
本來叫醫生放血，
因為內出血範圍由四分一指甲擴大到四分三，
但係醫生話冇咩野俾支藥膏同止痛藥，
咁就四百七十大元！！！
黑氣事件五：
星期一放假去海記 relex，
男友唔舒服遲到半個鐘，
Stella 唔舒服遲左起身遲左一個鐘到，
幫我買 discount 飛唔舒服遲左返工，
我地原本十一點入 park，
點知等齊所有人同飛十二點半喇，
可憐 Anne Baby 早左到等得最耐係佢，
一入到 Park 就食野，
好貴四個人食左二百五十蚊，
不過係一飯一意粉四杯飲品，
去睇好想睇0既大熊貓，
點知每館都係得一隻大熊貓，
仲要兩隻都 only sleep，
根住坐新車上山，
真係好快就上到山喇！
不過上山就落雨喇！
個個都唔舒服，
冇乜點玩機動遊戲，
不停參觀參觀參觀參觀參觀，
最後我同男友五點就出 park，
兩個少女就等睇 special event，
男友要去鑽石山睇場，
諗住坐 671 直接去到0個度食飯同行下，
之後我自己返屋企呀，
點知等左廿分鐘都冇車，
最後決定返太子先，
一上 171 就見到 671 0係後面，
真係激死我喇！
黑氣事件六：
一直唔鍾意去做一 d 要 re-run 而我又唔鍾意睇 0既 戲，
有一套戲由首戲到第三度重演，
由粵語做到普通話，
由香港到國內 tour，
夠喇！
我唔想做一個一百場 0既記錄俾我自己，
點解又係我呀！
北京、上海、杭州、武漢、深圳＞十二月我黎喇！
Scoorge 我同你冇緣喇！
黑氣事件七：
我 0既 狗 Brandy 真係好聰明，
佢識得鎖左我屋企大門，
不過佢唔識開門呢．．．
昨晚我同同屋一齊返屋企，
自己用盡方法都係開唔到，
好彩落到街口個開鎖師傅未關門，
佢都開左半個鐘先可以打爛個鎖，
咁就冇左三百大元．
可唔可以停止黑氣呢！！！！！！
小小茵~ small Potato 2009-09-24 17:40