2009年11月28日

過幾日就係朋友仔既大喜日子,咁喺1122呢日我就正式收到喜帖喇,所以就決定post呢篇出嚟見光喇~

其實以下份禮物我喺大半年前,已經送咗俾朋友仔架喇~因為我份人好衰,一諗到就要即做起同埋送俾人,我記得係一晚通頂做起架~因為整呢啲小手工,真係好講心情架,我驚自己一停手就放低唔做,所以密密手快快攪起佢,希望小小心意,佢地兩個都會鍾意~因為唔係啲乜嘢名貴既禮物~

大家係咪對以下呢塊結婚牌,好似有啲似曾相識既感覺呢?其實係我已經做過三個喇,同埋之前都post過喺流星小手作既分類到,但以下呢塊其實係我第二塊做既~早過912嗰塊結婚牌~

講真呢幾次做既用既,大致都係我自己鍾意既構思同顏色嚟做題材同材料,因為係夜晚漏夜做起既關係~所以影相時要用埋閃光燈,所以出嚟啲顏色就同實物相差咗啲~

(Ronny:場地佈置方面如果真係覺得唔啱用,真係唔駛專登帶去架~我唔會介意架)

↓(禮物一)結婚掛牌(流星出品)

↓(禮物二)結婚賀咭(流星出品)

↓(禮物三)結婚公仔禮物紀念銀盒(訂做)流星未學識做銀器

↓流星就自加咗十字架、心心閃石~同埋公仔加咗少少嘢裝飾吓~

後記~朋友仔們我指已經結咗婚嗰啲,唔好話我偏心,因為你地識得我耐都知我係講靈感同埋講心情做小手工架啦~唔好睇完呢幾編婚嫁既小禮物篇,嚟追討番我呀