09國慶中秋北海道之旅Day2

2009年10月2日

一起身牙都未擦就即刻走去窗前打開窗簾望吓外面既風景~原來都幾靚~

↓呢朝早都係去食完早餐先上番房攞行李,所以都係輕輕鬆鬆落去,食早餐既地方都算OK~

↓佢有分開兩邊攞唔同既款式嘢食~一邊係日一邊係西式~

↓因為我同朋友仔比較早去落去,所以可以影幾張相唔阻其他住客,以下幾張相都係一少部份放食物既位置,因有人攞緊嘢食既地方,我就放棄無影到

↓原先我地係坐近攞食物既地方,見到對面呢張枱個景好靚,但無耐窗位置住部都有人坐~

↓後來俾我發現有人走咗,即刻以9秒9速度霸咗張枱~

↓平安仔當然都要一齊食早餐啦~呢朝既早餐都好豐富,啲細樽牛奶好鬼好味~我忍唔住都飲咗兩枝~另外仲有啲珍珠提子~喺香港買都幾貴吓架~

↓餐廳門外面又係有俾小朋友玩既地方,入面又有一隻大既比卡超公仔喺度呀~

↓食完早餐返上房,仲有好多時間先到集合時間,就幫我既喼同間房影張相留念

↓而我當然都要啦~我仲發現個窗原來可以打開,咁我就打開咗少少,等啲生風吹入房之餘,可以感受埋啲雀仔聲~

↓我地點都係比起其他團友早到達集合地方,咁見到波兒,就幫佢影番張唔着燈既樣貌相喇

↓跟住又俾我發現小山丘上面有吊牀,咁我又上咗去玩咗一陣啦~

↓朋友仔就喺我玩既時候影我相~太失儀喇,所以無面見人~

↓其他團友同埋啲日本妹學生,見我地喺上面玩同埋影相,佢地又一批批咁跟咗上去

↓離開酒店之後喺中途曾經停過車俾團友仔去方便,雖然無嘢去,但我都有落車鬆一鬆,就咁就發現咗呢個牌,係原來提醒啲人有FOX

↓其實呢個景點我地本身係無既,只不過去昭和新山嗰邊會途經,所以導遊就叫司機停一陣俾我地落車去影吓相~

我第一次見呢啲景象,因為冬天嚟時,地上面都只係舖咗雪~

↓今次地上面就唔係舖滿白雪,而係舖咗落葉~

↓我都係第一次見洞爺湖面上有人玩天鵝船,因為冬天實在太凍,唔會有人有咁既興趣玩

↓仲要今次發現有好多天鵝同埋啲鳥類

↓有對天鵝嚟歡迎我,可能知我遠道而嚟,特別過嚟SAY HI

↓仲表現埋佢地一齊搵食既合拍動作俾我睇TIM

↓離開洞爺湖之後,我地下一個目的就係昭和新山及有珠火山加熊牧場喇

熊牧場我之前都入過去,所以我都無入去餵熊~反而去咗行吓啲未行過地方~

↓呢張相我覺得啲顏色幾靚~因為棵樹既葉已經全部變晒紅色喇

↓真係幾靚~有綠油油既草地

↓平安仔佢都同昭和新山

↓平安仔佢都擺番個靚POST同新山影相

↓日本既烏鴉好鬼神聖架~

↓有吊車可以上山睇火山架

↓喺行返去熊牧場前,途經呢檔賣夕張蜜瓜同粟米~我地喺度就買咗個返酒店食

↓喺熊牧場門口隔離,伯伯佢改賣生果,因為我記得冬天嚟佢係賣燒帶子嗰類架~

↓我地喺呢度都買埋當造既日本柿嚟食

↓跟住無耐突然黑晒天落大雨~好在我同朋友仔已經上咗車

↓開車之後就起程去食晏喇,就係我今次去既主要目的,食海鮮~呢個(蟹御殿)海鮮市場都嚟過好幾次~真係好吸引~正

↓大家有無留意到上面張蟹招牌同埋下底既魚同熊公仔~佢地既頂部都會企咗一至兩隻雀仔喺度架

↓因為實在落得大雨,我見前面嗰架旅遊巴,佢地開把勁大既雨傘

↓市場入面一如以往,勁多海鮮,呢啲季節嚟真係同聖誕過年旺季差好遠,因為嗰啲季節真係超爆人架~

↓呢啲就係我既至愛,但我鍾意食生既多過熟既~

↓係喇~就係佢地喇~我地要咗以下SIZE既蟹,要成15000日元一隻~仲要係對8.6~

↓另一喜愛凹貝~好鬼爽口同鮮甜架

↓海膽係必食~

↓今次所選既有蟹一隻、凹貝一隻、北寄貝一隻、同埋兩隻海膽呢度盛惠24900日元

↓以下呢份係團餐包咗既,我地就用嚟淆湯用~

↓頭先買既海鮮已經俾工作人員攪掂整齊擺放咗喺碟到搬到我面前

↓我貪得意帶埋水筆同咭紙去寫咭~

↓好快碟海鮮就俾我同朋友仔移為平地喇

↓烚熟咗個蟹拑之後,我又攞佢嚟玩

↓我地又將蟹身整熟咗拆咗啲肉嚟煮蟹粥用

↓呢碗蟹超級甜~我同朋友仔食到肚仔脹卜卜

↓今次我同朋友仔係全團人最遲走既,因為啲團友仔佢地食完又趕住落去行商舖,但我地又覺得無乜嘢睇,所以慢慢享受

↓另一邊啲食堂嬸嬸就好忙碌咁執嘢清潔

↓喺我地真係食完準備離開既時候,就發現佢地既效率勁快~

↓臨走前行咗去窗邊影吓呢個落住大雨既太平洋喇~

↓平安仔同呢個古老電話合照一張

↓拜拜喇蟹御殿~希望好快我可以又嚟過啦~

↓因為呢晚我地會去登別嗰邊啲溫泉旅館住,所以喺返酒店之前,我地就係去咗登別地獄谷呢度睇,其實我地如果十月中至尾左右時間嚟,呢度係會滿山紅葉架~但係我地係月頭關係,所以唔太多~

↓我同朋友仔無落到去下面睇,因為之前都嚟過呢度,又因落雨關係我地好快就上返車

↓集合咗開車都唔駛幾分鐘就到咗我地要住既溫泉旅館喇~

登別既石水亭喇~未分到鎖匙前,我當然喺大堂到影吓相啦

↓佢地每晚8:30都好似有BINGO玩,只要俾500日元就可以參加,獎品如下

↓我反而對以下兩個鬼鬼公仔有興趣

↓放底行李我地就落去餐廳食自助餐~啲食物好豐富架~好多住客都會着住呢度既浴衣喺度用膳架~因為呢啲都係溫泉旅館既特別之處

↓平安仔開餐喇~因為呢度人多就唔方便影埋出面擺放食物既地方,有牛柳、有鮮帶子、有好味既天婦羅~啲天婦羅用材仲要係比香港用既多款同特別

↓甜蝦、三文魚、魚生飯~正正正

↓就連雪糕都特別好味過人

↓因為佢呢度係分咗三大座,每座大樓都有分別,同埋佢都分露天同室內風呂

↓食飽咗又行埋啲商舖之後就返房到玩喇,因為呢間房實在算大~因為導遊都話明睇吓團友好彩唔好彩,因為有啲會分到和洋式房間,有啲可能只係洋式房間~

好好彩我地係分咗一間算大既六人和洋式房間

↓有兩張牀

↓但房內真係有樣嘢好差,就係呢部舊無可舊既懷舊電視機

↓我貪得意開咗個櫃,攞啲牀舖出嚟舖

↓只係用咗二人份~

↓呢張就由窗邊嗰度影番出去~其實真係好大,連門嗰邊都仲未影到

↓呢晚我地既宵夜就係日本富有柿喇~正

待續.......................