影響深遠

近呢2,3年工作運極之差勁, 我唔係一個事業鬥心者, 亦沒有呢個學歷同專業去搵到乜野工, 工作上既不愉快不願意, 令我各方面都沒精打采.

我沒有了脾氣, 沒有了緊張事情, 我選擇默不作聲, 選擇一笑置之, 我唔再串咀, 只會噢咀.

我生日想食乜? 想要乜野禮物? 想去邊度? 我都顯得冷淡, 顯得求其, 顯得事但!!

你選擇給我蘇珊娜扒屋, Justice League Figure, 去西貢親親靈犬, 對我黎講係101分, 無人能及.

如果我遞上辭職信, 我怕人家會說我唔飲水思源, 係避難所, 我擔心爸媽再為我擔心.

人越大真是顧慮多了, 再沒有一鎚定音那種本事, 人老了, 常常會想起生死, 前年呢個唔係度, 舊年呢個又唔係度, 呢一刻, 好好地既, 突然又話唔係度.

活生生既我, 係咪要去珍惜, 但呢2個字不能說服到自己用來對抗不快, 今天, 很多事不能自己作主, 要顧及周遭, 辛苦加痛苦.

屋企, 工作, 友情, 感情, 靈犬.

還有幾天又大一歲, 但我唔覺開心.