隻手可熱蓮香樓

香港其中一個勝地我又踏足多一個, 聞名不如見面, 多人到不得之了, 好似係防空洞, 你爭我搶為求的是食物.

慕名而來為的只是三個字, "蓮香樓", 唔係蓮香居.



富有特色的杯焗茶, 一盅兩杯左右.



水滾茶靚, 呀叔又黎沖茶啦, 縮得快好世界, 好驚.



密集式空間, 一張枱, 4,5個組合既茶客, 等位又唔知等幾耐, 睇落佢似走, 又唔係, 呀...呢邊估唔到佢咁快走喎, 真考彩數同眼力.



真係迫到, 係佔一個位架咋, 唔係就痴左埋隔離.



好多茶客都食叉燒飯, 唔通好出名, 我無食.



點心一出, 個個都跑晒去呀姐果邊, 呀姐會話, 輪住黎唔好自己攞, 你先既....你等一陣, 一路講一路比點心一路吸印, 軍隊指揮官咁.

點心好足料, 唔錯.



特色點心攞唔到, 我都放下身段, 親自出馬先分兩次拎到三樣野.



拎呢個雞扎就慘囉, 岩岩出爐, 碟內好多熱汁, 又滿, 呀姐一比我, 熱汁就林晒落我隻手, 行多幾步, 呀叔又撞一撞我, 熱汁再一次燙手, 要即刻查湯火膏, 為左乜呢.....



雖然等左好耐先有兩個位咁大把, 但我都無心雞食, 趙完鬆, 總算黎過, 對自己人生總有交待.

比個譚罐大家睇下, 唔係紅A架.



門口成村人, 不如去同佢地打官司既"蓮香居"試下.