香港!我番黎啦!

近排真係多朋友去旅行!去完ㄧ個又ㄧ個!但係,今次終於倫到我要微服出巡啦!呵呵!唔夠ㄧ個禮拜就可以...可以呵呵呵呵呵!(超興奮!實在係非筆墨所能形容!)告別咗香港十幾年無返去,今次實行玩轉佢!喪行喪食喪買喪玩!實行喪盡天良!(如果經費夠嘅話!呵呵!)如無意外仲可能順道去埋日本添!(咁當然係參加旅行團啦!人生路不熟吖嘛!)保守估計今次大約會玩ㄧ個月度!所以...呢個BLOG亦都可能要停業ㄧ排先至有精彩嘢睇架!!(請大家繼續多多支持!!)小弟連日黎已經上網揾好晒D資料,包括當地天氣,地圖,食店..等等!而今次主要返香港嘅行動大至上都係購吓物啦,揾吓D美食,重遊故居,母校,順便去吓機舖踩場同埋影吓D靚相等嘅!!而另ㄧ方面日本主要大至上都係報吓南京大屠殺之仇!!(哈哈!講吓笑!!我參加個團好正經架!并非果D慾生慾死旅行團啊,人體壽司團之類!!)其實ㄧ直去日本都係小弟嘅ㄧ個夢想,順便放鬆吓自己,拜會吓神社為家姐母子祈福,而最緊要當然係順便買D古怪新潮嘅手信俾朋友!!(但係唔好抱太大其望!哈哈!)

PS:各位如果有咩事搵我,Facebook見啦~

來自雲南朋友-Shelly姐送嘅靚名茶ㄧ罐!下個月返黎先慢慢嘆!!

仲有盒正版雲南白藥!聽講可以即時止血散瘀,專醫跌打刀傷,筋骨關節痛等等!(Shelly姐,你唔介意俾我劈ㄧ刀試吓D藥靈唔靈吖嘛?呵呵~)

多謝您嘅"ㄧ帆風順"!之但係個"頂天立地"就唔好俾我住啦!我怕我部飛機到時真係頂完天之後會立......(哈哈!大吉利是!)

只想吸多ㄧ些新鲜空氣,要試試獨自天際飛,過去多少風波,抬頭再也不理~