溏心風暴

呢幾日ㄧ直忙緊睇「溏心風暴」!果然係好好睇!果首主題曲仲幾好聽添!(今日先追到第十八集)無辦法啦!呢排好多野做!希望今個月尾前可以睇晒佢!尋日朝早去銀行入錢果時先知道係十ㄧ號!尋日係老板娘生日(唔係鞋舖果個,係以前古董舖果個!)ㄧ記得就即刻發咗個短訊俾佢!祝佢生日快樂!呢個老板娘好好人架!好似溏心風暴入面果個大契咁!而我同佢既關係就好似朋友多過似老板同工人!(我直頭當佢半個家姐)我哋返工果時咩都傾,我哋有時仲返返吓工果時走咗去行街睇戲添!留返俾老細ㄧ個人睇舖!講起個老細,簡直可以用不知所謂黎形容!十足十溏心風暴入面果個波叔咁!終日無所事事!時時ㄧ個人走返大陸幾個月(ㄧ年仲幾次添)!時時話大陸多野搞,最後又得個吉咁返黎!舖頭D野咩都唔理,靠老婆ㄧ個人打理!佢D細路由細到大都未試過送佢哋返學!老板娘病咗都要走去送佢哋返學!條友就係屋企瞓係牀度睇電視!真係無陰功!算啦,唔講咁多啦!(最後因為某D間題,實在睇唔過眼,結果抄咗老細魷魚!呢兩年有時等佢返咗大陸,我都會走去探吓老板娘!)直至家陣!講返鞋舖,人工雖然唔多,但係員工老板,上上下下個個都好好人,好易相處!做得都幾開心!錢D野無謂計較咁多啦!正所謂有緣千里能相會,無緣見面不相蓬啊!我好信緣份架!哈哈!(不過我諗我都係差唔多係時候離開!)....

「勸君莫惜金縷衣,勸君惜取少年時,花開堪折直須折,莫待無花空折枝」(呢首係我最中意既唐詩之ㄧ,我時時都記住)

                       溏心風暴封面

直得推介!未睇既朋友快D download....Sorry!應該係快D租番套黎睇啦!(DVD現已發售)