新的開始!加油呀!

 尋日收到一個好消息,一個壞消息!其實都可以係兩個好消息,又或者可以話係兩個壞消息!睇吓自己點睇!各人唔同睇法!第一個消息係中城14街個老細打電話俾我!佢終於請咗我啦!要下星期三開始開工!呢個可以係一個好消息,亦可以係一個壞消息!因為我仲未想咁快就開始另一個新嘅工作!想放鬆吓個人,叉多D電先!但係唔做住又怕佢請咗第二個!(好怕又要再揾過份工!!)心里十分之咁矛盾!就正如一個返緊學嘅人好想放假,而放緊假嘅人又好想返學一樣!而同樣,亦好似一個啱啱失戀分咗手嘅人,唔想話咁快就去開始叧一段.........!而第二個消息係我同豪華終於緣盡啦!(之前原本諗住Keep住每個星期做禮拜日,可以唔使每星期零收入,又可以Keep返個員工Discount!仲可以得閒走去食番多幾餐霸王公司晚餐,新年清明之類嘅大日子又可以收吓D利是!(呢D簡直係一石十幾鳥!)但係呢個童話般嘅計畫就咁就完咗啦!因為我份新工一星期要做六日!周未兩日都無假放!無法啦!不過呢個都未嘗係一個壞消息!起碼終於都可以脫離經理個魔掌啦!(哈哈!講吓笑!)其實講真呢度人工實在太低,留低只會浪費自己時間!而且以前同一期啱傾嘅朋友都走晒!(加上攞埋豪華賣鞋最高紀綠!哈哈!)所以大至上都無咩可以直得留戀啦!哈哈!.....終於可以真正放心咁離開~

                           趙師父教我哋包餃子 

                                                  自己第一次學包水餃!

                                                      完成品!都Ok架!

                         坐隔離個B女包俾佢條仔嘅愛心水餃!我又要!

                                            包咗好多水餃!最後都食唔晒!

                                                          同水餃影張靚相先!