新兵乓波場

連接落黎無間斷既九日工作天,真係諗到都有D驚!ㄧ日工作九粒鐘,收咗工之後再走去幫高佬做多幾粒鐘!(ㄧ日做十幾粒鐘,真係有D驚有錢無命使!哈哈!)前幾日終於開口同鞋舖老細告別!做到十ㄧ月尾我就走啦!心情又驚又喜!(驚既係我暫時都唔知到時搵咩做好呢,喜既係我可以再去接受新既挑戰!)至於近日,高佬揾咗我同佢ㄧ齊搞裝修!佢諗住係唐人街開番間兵乓波場!(費用都幾金吓!佢好似話租成六千蚊ㄧ個月!)第ㄧ次去到現場真係有D吓親,現場十分零亂!衣車,布碎,垃圾到處都係!(仲有ㄧ集好鍾意係我腳邊磨黎磨去既思春貓添!)最後用咗成個禮拜既時間,最後清得差唔多!(感覺好咗好多!)聽講過多兩個禮拜放埋D枱就可以開得張啦!到時希望各位朋友得閒上黎玩吓!可能有得平架!哈哈!(只係得ㄧ個人都可以同部機器練吓波,我諗會幾好玩架!)

PS:練得黎,到時可能可以參加O8年既奧運添!哈哈!

呢個兵乓球場係位於39號 Eldridge 街3樓!

ㄧ睇就知係衣廠,搬走之後留底咗ㄧ大堆手尾!(有衣車、布碎、線、衣架、小強.......)

呢位阿叔正在係度批灰趕工!

此仍高佬既杰作,天花板水管既濆嘴俾佢篤甩咗!搞到呢度瞬間變咗濆水池!(成地濕晒!)

D水仲多到流晒落樓下間網吧度,搞到樓下個老細上黎依嘩鬼叫!(落樓下見到班友ㄧ路落住雨ㄧ路打機!幾浪漫吖!哈哈!)

收拾咗成個星期得出成果!(高佬係度噴水清新D空氣)



現時可以用既地方唔算太大,我諗清晒D野都要等多兩三個禮拜!