$700一位超抵食 JW Marriott Sunday Brunch!

$700一位都叫抵食???  JW Marriott Sunday Brunch 其實真係超抵食，你睇下任飲任食名單先，當然仲有好多其他既好野食﹕
‧白雪香檳 (Piper-Heidsieck) 世界三大香檳品牌之一
‧多款鮮榨果汁
‧黑松露意粉
‧鵝肝中的LV「Rougie Foie Gras」煎鵝肝
‧鵝肝醬
‧印尼青龍蝦、澳洲及本地龍蝦
‧黑松露炒滑蛋
‧即片原隻西班牙 Iberico ham 煙火腿 (超市賣緊近 $120 / 100g)
‧德國以人工養殖的鱘魚子Oscietra魚子醬
‧專人即場以新鮮蔬菜及多款鮮蝦製成的Spinning Cocktails 及沙律
‧有機素食櫃備有多款蔬果、脫水脆餅
‧Lindt朱古力火鍋

單 係名牌 Rougie 的 Foie Gras (鵝肝) 厚厚一片片任點即煎，citysuper買返屋企自己煮都要差不多$150至$200一件，這裡「堂煎」煎至表層甘香脆身，內層入口即溶，WOW 食三件都回本大半了... 不過要留意...我呢餐已經係一年多前食了，點解一年前食過正都唔再去? 因為book位都要預早半年...仲要只係星期日先有!  快手book來試下啦...

仲有2 點值得我掛住﹕
1) 現場有外籍女士演奏豎琴，整個星期天早上都好寫意........ (不過唔知而家仲有冇)
2) 現場煮意粉的大廚好細心，我再對上一次去係2年前，到半年後再去，佢竟然唔只記得我...我都未開口要煮咩意粉，佢竟然開口講「你要 CREAMY 少少，多D白酒呀嘛...」嘩....勁............呢D就係專業! 佢仲教點煮意粉先會好食，就係要煮到「有骨」，先會 al dente....

《更多相片...》