小甜谷

一直都想試試聞名已久嘅小甜谷，終於12 July 09 (Sun)一行四人出發了，相信係明星效應，人氣好旺，好彩我只係等了幾分鐘就有枱。

我們食了：北海道紅豆豆腐花、芝麻糊豆腐花、芒果冰沙、阿華田沙冰、凍咖啡北海渡牛乳 。整體上味道無什麼驚喜，只有咖啡牛乳係OK (面加了脆脆，入面有粒粒咖啡 Jelly)， 豆腐花(普通正常)，芒果冰沙 (似思樂冰)，阿華田沙冰 (味道好淡)。

雖然如此，但如果係街坊可以試一次，太遠就唔需要啦！點解只係一次．．．答案：服務態度好差，由於當時有張大枱有位，我同店員講唔想搭枱，想坐四人枱，佢竟然話：咁妳慢慢等啦！不過唔知要等幾耐，妳都見有咁多人．．．(佢當時望都無望我)，如果唔係泊好車，我一定會即刻走，作為消費者無理由俾$$$去受人氣。

結論：只此一次，下不為例

http://www.openrice.com/restaurant/sr2.htm?shopid=26948