網誌分類：尚文の3歲前 |
圖片
網誌日期：2009-12-13 11:00
今天天氣好好, 早上七點太陽伯伯就出來跟我打招呼, 用溫暖既陽光照射到我屁股上 , 跟住我梗係叫醒埋爹爹一齊梳洗, 食埋枝奶打底就去公園跑步兼食早餐. 上次病完後都好耐無跟爹D落黎行公園, 今次一手一隻拎住喱期最得我歡心既Tiger及Hippo追住爹D跑過痛快.
先推推千揪熱下身, 不過睇落好似練梗氣功咁.
見到噴水池係度忘晒形嘟嘴.
之後去大快活食早餐, 吃了半個脆皮豬仔包仲有麥皮, 受媽咪教導我都食得好健康呀. 食完要去麥當勞買通粉俾媽咪, 等候時見悶悶地玩下騎木馬, 不過太靜態啦攪到我有d想覺覺豬.
買完梗係要快d番去俾媽咪, 我負責拎鮮橙汁, 其餘通粉呀, 紙巾呀, 外套呀, Tiger及Hippo呀全部歸爹D, 大家放一百個安心, 我拎得好穩不會倒瀉籮蟹, 但媽咪每次都投訴到她手時只剩下半杯, 其實係我邊行邊靜雞雞飲了半杯, 唔好意思呀媽咪, 唯有錫番妳十啖補數啦.
真係拎得好穩, 風吹都唔趺.
成功! 今次又飲到一半, Hee Hee!
爹D特別收錄: 今日帶尚文做完Gym回程中, 在元郎某紅綠燈前停車等候時, 尚文在後座企起身輕輕拍拍我的膊頭(當然媽咪係後面緊緊攬住佢), 我自自然然擰轉頭望下佢, 尚文跟住用雙手捧住我兩邊面珠墩然後嘴對嘴錫左我一啖, 仲唔止再將佢個頭仔挨落我度, 真係冧晒笑咪咪地返屋企.
