別惹禍

呢幾個星期, 心情好差好差, 太多事唔開心喇, 自己心情唔好, eq 跌到好底, 遇到忟既事無左容忍既量度, 或者咁又得失左一d 人~~~~

生唔生多個呢個問題近日好困擾, 決定左生, 又怕生唔到多個女, 決定左唔生, 又唔開心....同老公傾左好多日, 結論係 - 唔生喇!! 原來老公真係好怕會生個仔, 呢樣係我意想唔到, 知道佢一直恨女, 但係點都估唔到會恨成咁, 已經有一個女, 理應生多個, 係仔係女都無咩所謂啦, 原來唔係咁....最後都係決定唔生喇, 而家要生, 都要過好多關, 如果仲要因為BB 性別而加添壓力, 算巴啦~~~~

公司搬左, 風水唔好, 返到 office 成日都好忟, 同同事又意見分歧, 同老闆都有頂下咀, 真係好煩~~~~ 

外圍環境好似 H1N1 咁, 小朋友要提早放暑假, 有人覺得政府緊張, 有人覺得父母無聊, 亦有人贊同放假....其實講真, 比咁細既小朋友返學又真係大風險, 比佢地放假係無可厚非, 但係小朋友放假為家長帶黎既壓力確實真係唔小~~~~

仲有唔知係咪天氣太熱, 定係個人太忟, 已經連續 3個星期 keep 住微燒 (app. 99+)~~~~

今日呻完, 唔可以再咁, 講野要講返d 人地岩聽既, 唔好再惹禍喇 !!!!