老公的砵砵車

2009.12.10 (四)

小天使 @ 31 weeks

老公陪我去第n次的政府產檢，

而家每隔兩星期要覆診一次。

天使b一切健康正常，

醫生仲讚天使b係一個好活潑既baby，

因為佢聽心跳時，天使b係咁不停腳撐撐。

我的體重已經飆升123磅，差唔多重左30磅了，

連我自己也不敢信，原本9x磅既我，可以肥左咁多，

不過為左天使b再肥也是值得的。

幸好所有人都說我不覺很肥，只係肥了在肚子上~

囝囝bb，mama為你食左咁多野，肥左咁多，

你要吸收多d，出世做個重磅bb呀~~!!

ho papa記趣：

夜晚老公突然同我講，

等囝囝大左個要教佢揸砵砵車，

而家咁細個就揸住bb車既.........

「麵包超人呔盤」學下先啦，嘩哈哈!!

囝囝bb聽到，開心到彈彈跳。

2009.12.11 (五)

我放工後，老公突然揸左架砵砵車黎接我，

我好意外，因為老公為天使b添了架新車子，

方便帶天使b周圍去，也方便我唔使拎住bb車上上落落。

唔怪得之，老公尋晚同我講果番說話啦，

原來佢一早已物色了新車，連我也蒙在鼓裡，

雖然又要加多左負擔，

但老公真係好錫我同天使b，每樣野也為我地著想~

呢幾日，同天使b試ho papa既砵砵車，

初頭天使b可能有d驚，

好似隻樹熊咁攬到我實一實，

(近排我發現囝囝好鍾意攬實我、痴實我肚子......

尤其係早上剛睡醒既時候，鉗到實一實，好warm ar)

「囝囝bb，唔使驚喎，ho papa係個安全既駕駛者啊!!」

攬著mama既天使b安全感大了，慢慢習慣了，

仲好興奮，突出隻拳頭仔，

好似想伸手揸車咁，真搞野啊~

老公也為我準備了兩個「咕o臣」，等我坐得舒服點~

多謝你ar~

我而家物色緊「mama in car」&「baby in car」既sticker呀，

希望可以揾到我最喜歡的款式啦~