証人 take 2

約一個星期後，一位交通警察打俾我................

警察:『上次既交通意外，正識起訴小巴司機不小心駕駛，麻煩你跟我約個時間落口供~~』

跟警察提議了好幾個時間後，一時又話約左其他証人，一時又話放假唔得，一時又話返夜更，約我10:00p.m.到差官 (亞sir, 你都傻傻地架，我落完口供都凌晨喇，要我一個靚女夜麻麻自己返屋企~~~咪攪!!!!!!) 糾纏一番後，終於要到一個星期後大家先夾到時間，香港人好忙呢!!!!!!

同sir收線後，隨即電話又再響起..............

『余小姐~~~』

『係~~ 邊位呀???』

『我係上巴意外既司機呀~~~ 我就剛剛去完差官落口供，你都記得喇~ 撞車前，我停係紅綠燈前，我一直都係停條開線架~~~ 我一直都係用條"開線"，都無轉過線，係後面架車撞我咋麻~~~ 如果亞sir約你落口供，你記住咁同亞sir講喎~~』

『吓???? 首先，我唔知咩叫"開線" ??? 第二，你係紅綠燈前，係靠左線的，係之後你轉到右線後，前面突然停低，你先會急停既~~~』

『唔係~~唔係~~我一直都係用條"開線"，無轉過線架!!!』

『我記得當時既情況就係你轉線後急停，先撞車既~~~~~』

『唔係呢~~我真係一直都係用條"開線"，無轉過線架!!!』

我都唔係好明個司機同我"R"乜.............不停咁話，我講錯，我記錯~~~~
我有無記錯，係咪我先最清楚呢!!!!! 而且，每次我老公搾車，我一定會坐前座，留意交通情況，我點會唔清楚路面情況呢~~~~~

『司機~~ 我依家返緊工，唔係好方便再同你傾』(其實我唔想再同佢"R"落去，無結果既!!!) 『總之，我會將我記得既案發經過同警察講』

『喂~喂~喂~余小姐，你咁講，我好麻煩架喎!!!!!』

哦~~~ 我明喇!!! 原本同我"R"咁耐，就係想我同佢夾口供~~
司機叔叔 !!你傻架 ???? 叫我俾假口供??? 我會俾人告架~ ~ 而且，如果你無做錯野，使乜驚我講事實呢???? 你身有屎之餘，仲騷擾証人tim喎 !!!!!!!