網誌分類：未分類 |
圖片
網誌日期：2009-07-14 15:17
天氣鬼咁熱, 長毛仔仔都係時候剪毛啦... 因為我睇倒佢都覺得佢熱... 而且亦成日見仔仔咬自己D手指仔, 一睇之下, 可能指甲太長啦, 仔仔自己咬指甲咬到一忽忽....
於是, 趁7月1放假帶佢出街剪髮 , 剪指甲, 去到寵物屋...
嘩!!! 原來狗仔剪髮係磅重計, 仔仔要成200幾蚊.... 太貴啦, 仲貴過我剪髮, 最後只係同佢剪指甲同腳板底毛, D長毛, 就請朋友出手, 自己幫佢剪咗... 個身D毛就剪短晒, 個頭呢...都係唔敢剪太多, 依家仔仔好似當紅時嘅城城頭咁... 好彩佢都算乖, 無亂郁, 只係懶鬼成日唔肯企, 企兩企又坐低甚至爬响度...可能呢D係仔仔嘅抗議方法都唔定...
依家仔仔個樣就係咁.....
雖然都唔係剪得咁好...但總算爽D無咁熱啦呱....
Traintrain 2009-07-15 13:39
唔係喎...我阿哥無見佢兩三個禮拜, 佢話覺得仔仔瘦咗好多喎...我日日見佢又唔多覺... 你幾時接得佢就幾時番啦緊係...我都覺得佢呢幾日好似無乜心機咁...唔知佢係太熱啦? 定無乜街去唔開心呢? 如果bingo已經好番無問題嘅, 就接仔仔番屋企啦, 可能佢掛住屋企都唔定啦... 好似好唔開心咁...
bingo仔仔&mi 2009-07-15 13:18
嘻嘻...好開心睇到佢個新look呀! 其實唔算貴, 2佰幾已經係minimum喇!
最近真係好熱, 好在同佢剪咗毛, 唔係就會中暑tim...
佢一定好食好住, 依家成個波咁...問佢幾時返嚟呀?