帶眼去食

8/6/09 (Mon) 晴

昨日晚飯後回家, 看罷三色台的星期日檔案之消費陷阱, 令我不禁想起自己六月二日那晚的一次經歷.  雖然相比節目中跌入陷阱的主角, 我的經歷實是小巫見大巫喇!  不過都講給大家知啦.....................

話說當晚經過商場, 見早前仍在裝修的酒家已經重新開業, 店內裝修得煥然一新, 加上他們正在 promote 晚飯三寶, 好像相當不錯, 於是決定內進.

坐下看看菜牌後, 就點了之前門外知客盛情推介三寶的其中一寶.....原價$268 特價$98 的砂鍋雞煲排翅來試試, 另外又再點了一個蒜香焗生海蝦.  由於我想減食, 故此就先點兩個菜先, 不夠再加.

落單的是一位經理級的男侍應, 服務態度亦不錯, 點好菜後, 環顧四周, 發覺店內的侍應姐姐們各人面口不太寬容, 有的更粗手粗腳砰砰o彭o彭地執拾其他檯面的碗碟

不久蒜香焗生海蝦來了...........海蝦, 份量不少, 蝦也新鮮, 不過真係蝦有蝦味, 蒜有蒜味囉!!  我懷疑碟中材料是否曾在鑊中共處過, 因為炸蒜粒是現成的, 蔥和紅椒也是生的........唔多似焗喇! 實質係炸蝦+乾蒜囉!!!

在等候排翅時曾欲想點多味菜, 可是四周的黑面姐姐似乎唔多想服侍客人(扮睇你唔到!)  算罷! 翅剛剛又來了, 食0左先再點菜........

這煲翅聲稱可供四人食用, 果然剛好只能舀出四碗, 翅的份量足夠, 當然不能期望是甚麼靚翅, 雖然那半隻雞細小得可憐, 但雞湯底味道不錯.

見菜牌上有 豆沙鍋餅, 很想吃..............終於找來一個黑面姐姐為我們落單喇.................放第一件豆沙鍋餅入口時, 覺得頗有蛋香, 但總覺得味道似曾相識, 再吃第二件即恍然大悟, 原來根本就是甜薄餅的皮, 加進豆沙再煎, 和大家平時所認識的豆沙鍋餅是兩回事)))))))

炸豆沙pan-cake至真!!  我都係第一次見識!!

在把第二塊餅放入口之際, 突然有隻手把我的筷子座o彭一聲掉進我的小碗內, 似是要執檯  當時尷尬的我抬頭一望, 原來係黑面姐姐.............我用眼神告訴她: 你冇病化......想執檯  我都未食完, 橫睇掂睇都見到碟上還有兩件餅啦!!!  最搞笑係佢似是不覺得自己的行為有問題咁喎, 一臉疑惑地把筷子座放回原處!  唉............佢真係好似睇你唔到咁!!!

進食中那男經理曾吩咐d姐姐給我們飯後甜品西瓜, 竟然d黑面姐姐話糖水送晒, 之後又唔知游左去邊??!  最後才送上西瓜! (有咪有, 冇咪冇囉, 做咩搞到我好似乞討咁喎!!)

有點把火!! 埋單走人算喇.............. 單到))))))

埋單時一看, 奇怪.. $185.00 加一點解會係 $35.50? 唔明就要問, 姐姐即順手拿來一張先前點菜用的單張, 很理直氣壯地說: o拿單係有寫0架!  (做咩喎........我問0下姐, 我冇話唔付款, 佢好似仲激過我咁??!)

上圖所見係一張A4紙的八份一角, 我理應看得清楚, 如果很留心的話! 特價食物, 加一按原價加一服務費!! 這種情況在酒店食自助餐都試過亦見慣不怪.........可是在中式酒家倒是絕無僅有! 我第一次見!!  白紙黑字寫明...........怪就怪自己不帶眼去食!!!!

雖然菜式嘅味道不過不失, 但佢哋之前已經有前科, 今次又係咁, 都係嗰句: 永不錄用

前科: 早幾年前我們一家老幼十多人, 新春期間於此店晚飯, 埋單時發現茶錢竟然要接近約三百大元  細問之下原來新春期間茶錢雙倍 !  老實講自從99年打後很多酒樓都取消新春期加二加三喇!  這間酒樓就出雙倍茶錢哩招!!  我們當時錯愕非常的原因係酒樓門外根本並無張貼任何告示.  我們跟他們理論 , 細問之下, 他們竟然話有告示!  哈哈))))))原來佢話告示在收銀處喎!  簡直唔make sense)))))貼在收銀處? 比收銀員睇呀???!  不合理, 我們堅持不埋單, 繼續坐囉.  他們亦堅持其做法冇問題!  我們建議他call police !    最後好似係減收約一半人數的茶錢 了事!!  離晒大譜!

其實酒樓係有權收什麼費用, 加咩咩費用, 但不應鬼鬼祟祟, 試圖以取巧方法歛財囉!!!