~~近況~~

成個六月,都忙到飛起,因為要進行中年盤點,加上老細,總經理一大堆人分次黎香港,忙著要應酬重要時不時北上深圳開會議。越接近盤點日,就越忙,攪到差唔多晚晚OT,結果挨到6月25日,OT到9點都重有一大堆野,肚餓到不得了,但太忙,無時間ORDER外賣,重因為太攰,所以喺吉肚情況下飲左二杯COFFEE (我一向都無飲COFFEE架習慣),結果收工回家,肥米爸特意為我煮架辣炒米粉食唔夠一半,就走左入TOILET係咁嘔,嘔到七彩,返出黎,細嫂就整左杯梅水比我試下,結果都無用,無耐又嘔晒,個人就開始超級唔舒服,結果要食二粒藥,即刻瞓,所以先無事。

6月26日,唔知係咪最近辛苦得滯,所以成日等同事架report時,成日都好攰咁呆坐喺度邊休息邊等,到六點,頂唔順,可能知明天有一大堆文件要我諗計填report,所以壓力大到好辛苦,所以收工返屋企瞓,點知果晚成晚咳,肥米爸即刻起身裝水比我飲,點知飲完無耐,即時起身嘔到七彩...跟住就瞓喺沙發(因為唔想再嘈住佢二仔爺),到天一光,即時返工,唉...如果我料,要催單催資料黎寫report,做到六點都重未得,睇文件可以帶返屋企攪,都係返屋企休息下先,周六日先再做...

6月30日,可能咩都ready晒,所以個人精神左好多,今日台灣的會計員同稽核員又黎啦!但個心話比自己知,過埋今日就可以好d架啦!開頭都過得好輕鬆,挨到一點就盤員我地香港倉啦!哈哈哈...心諗,一陣過埋上水倉,咁就真係可以好好休息下,但點知...深圳呢個好助理兼好朋友,真係令我好感動,竟然咁對我地,要我們跳左上水倉呢一站,要先過深圳盤HUB倉和深圳公司先喎!然後先返上水倉繼續,點同佢嘈同話佢都無用,一句自己公司好安排,人地公司要收工架啦...咁...我地呢D自己人,咪最後本黎可以準時收工,攪到要OT囉...暈...結果攪到七點幾先喺深圳公司走,重要好衰唔衰,二台TAXI去福田口岸都會走失,結果我搵左最少有十幾廿分鐘先搵到,咁先可以一齊返香港架上水倉繼續...做到九點幾,終於攪掂晒,同會計員和稽核員一齊去九龍塘架EXPRESS度食(個名希望無記錯啦...哈哈哈...),稽核副理話唔可以由我黎請喎!結果就由佢地台灣同事請啦!呢晚返到屋企成十一點半啦...點知返到屋企,軒軒豬重喺度等我呢個無時間陪佢架衰媽咪,個心突然好酸,成個月都無咩陪佢,只係周六日先可以成日對住咋,所以即刻入去沖涼,然後抱佢入房一齊瞓啦...今晚...可能真係太攰...瞓到好似C左咁,失去知覺,直到早上,七點半沖左支奶奶比軒軒豬,即時氹佢再陪瞓到十一點幾...哈哈哈...激爽吖...

7月11日準備坐晚車回老家,所以7月初好努力咁將手頭上架事做好,重有交待清事情比同事,所以一直都無時間ONLINE做D咩...我諗真係要等我喺福建回來後再寫BLOG啦! (如果家姐唔會日日出街,都可能有時間上下網,但睇佢性格,應該難也,所以姨媽,唔好再成日話軒軒豬成日"noun"街啦!佢呢樣野,係極級似你吖...哈哈哈...)

因為7月11日晚坐夜車返福建,7月14日就坐晨早機去寧波,7月16日才會坐返早機返福建,而7月19日晚先會坐番夜車返深圳,行程咁緊,加上依家架天氣又時好時壞,所以攪到我準備左成幾個月都未準備晒d野,諗住今日去劉醫生度攞埋d旅行藥,點知...姑娘話醫生放假,要到下周二先返...暈...我問佢可唔可以照之前果次咁,攞番同一份旅行藥比我先,結果當然唔得啦...呢刻真係好想cry,我都唔想個仔去到要用d藥,但劉醫生收費係貴d,但d藥真係好見效架...咁...點算吖...唯有喺盈健要定d旅行藥啦...唔係點喎!希望今次真係無問題,唔洗用到d藥就好啦...

7月10日,因為肥米爸個証今日到期,所以佢要早我地一日先返深圳,明天再會合坐車,軒軒豬明天要由姨媽黎帶,所以今晚就要先過去佢度過夜啦!希望明天回去一切順利咁就正啦~!好啦!太長氣啦!加上係偷雞黎打左咁多野,係時候要做野啦!

最後想記番軒軒豬十三個月時就真係識放手自己行啦!

人地七一遊行,我個仔七一都有攪作,就係開始識放手行幾步吖...到依家十四個月,學識行都係一個幾星期,結果進步左,行多好多步都唔會跌,重識自己由坐變企(無野扶),然後行,重識識地轉彎行呀! 第一次返福建,第一次見公公,第一次見好多親戚,希望個仔好似上次番江西咁,個個都很跟,唔好扭我抱就好啦! (我對個仔好有信心,因為佢依家都好肯跟其他人,只係見到我,就伸手要我抱,有時叫話唔洗啦!佢都肯架)