我一生人第一次成功!

由11月14日開始，個個星期六早上都去學校面試！

11月14日早上8:30，是我第一次Interview N1，是青X啟Y！一早起身，影張相先

我同媽媽乘的士去青衣，8:20到達,不過學校內已經有好多好多小朋友！

我唔太知道大家做緊咩，只見大部分都是爸爸媽媽加BB三人行，D爸爸媽媽好似穿得好行，好似去飲，而我呢……同佢地好唔同,我同媽二人行，媽媽依舊牛仔褲！！！

不過唔理得人地咁多……周圍玩吓先啦！！！

10分鐘左右，老師叫我個名，然後帶我同媽媽去一間課室。

課室內有4枱人，我是其中一枱。

面試開始啦！！！

老師第一條問題問我邊個係媽咪，我當然好快咁指住我個媽媽啦!一D難度都冇。不過老師係咁指住自己話:”我係唔係媽咪? 我係唔係媽咪?”佢蝦我唔識講佢係老師，我……冇發脾氣，同佢笑一笑，而且廢事佢再煩我，我指住我阿媽答老師：「媽媽」，再指住老師答：「咪咪」老師不敢笑了!!!

之 後 老師預備比野我玩，佢問我：「你想玩咩?」

問得好，雖然枱面上有5-6款玩具，不過，佢一問，我馬上一支箭咁走到玩具架取新玩具。媽媽不停說：「NO!NO!NO!」，不過 明明係 老師問我想玩咩，我真係想玩果D呀!我取了 一兩 件玩具回來，不過老師叫我先玩LEGO!吓，我唔識玩???

老師先從籃內取出一件，叫我取一件!好，我就乖乖學你拿一件放枱上；之後又叫我取一件，好我又乖乖拿一件放枱上；之後再叫我取多幾件！老師你真係有好多要求！為了迎合老師，我一手 從 老師手上奪走整籃LEGO，媽媽同老師都呆了。大家放心，我知道今日要扮乖，我是不過亂來的!!!!我小心地把LEGO從籃中倒出來，LEGO一件也沒有倒到地上，而且 符合 老師要求：「全部取出」，HAHA死未！

此時,老師不禁說：「佢都好快就知道咁樣倒係最快！」

之後老師教我砌高，oh sorry 我不會！老師叫我大力d，我馬上影后上身，做個大力表情比佢，雖然都係砌唔成功，不過老師好開心話：「真係好大力喎！」

接著老師又問我想玩咩，yeah! 又是離開座位的時間，我又一支箭咁走到玩具架取剛才取過的新玩具。老師說：「這是k2玩的。」之後老師就叫的先玩入形狀。Ok,好easy我9個月已經開始受訓，冇難度!!!

入完了，我又去取玩具，媽媽終於開聲：「佢都係坐不定！」老師回答：「呢個歲數的小朋友是如此的，好有好奇心！」接著，老師上前抱起的取玩具，我當然笑晒！老師對我講：「係咪真係咁乖係人都抱得先?」之後老師教我玩k2的串珠仔game!!!

好快就10分鐘，媽媽只答了一條問題：「下午班o唔ok? 」

9:00左右走了，我地又馬上搭車入馬灣in第二間啟Y。

我IN 10:00,不過入到去都係9:40,太早啦!四周影影相先!

10:00有得IN,不過呢間太求其，老師叫d 小朋友自由玩，佢會觀察!

不過一房有6個小朋友，只有2個老師如何觀察?

Ok,橫掂我都係來玩玩only!!!

18-11-2009回家，收到信啦!是正取生，yeah，是我一生人第一次成功!!!

不過我冇開心，因為封信是媽媽拆的,haha!!!