最感動的一次(30.4.2009)

              自覺自己都幾幸運,每一次做新娘化妝所遇到的新娘大陪份都非常友善和易話為,而今次這位新娘子更加非常好人,就連姊妹團都一樣都係咁nice呀!新娘子yen是朋友的朋友的朋友,試妝當日都已經非常爽快.

               今次lee個job真係做得好開心,由於晚上要轉幾個造型的關係,我對yen說無須要安排我入席,根本我都唔會有時間食架啦!於是我就成晚在新娘房等轉妝,雖然係咁但係新娘子的姊妹兄弟團,就連屋企人都對我這個化妝師非常照顧,美食飲品不時為我送上,真係好客氣呀!

              而今次是我做化妝師以來覺得最有滿足感的一次,其實一直以來每做完一個job,新娘子都會私底下同我講多謝或sms比我,但係今次唔同既係yen,當她一路多謝緊屋企人對她一直以來的照顧,姊妹兄弟團的幫忙時,到最後她居然會在38圍酒席的人面前話好多謝我,我令到佢lee一晚好靚,當時我正在新娘房執緊野,特然聽到yen咁講真係覺得好感動,攪到我都有d眼濕濕tim,之後yen入黎新娘房轉妝時,仲問我聽唔聽到,攪到我又一次想喊啦!

             晨咁早4點半就到左上水蕉徑村,化完妝都只係7點幾,一大清早的空氣非常清新舒服呀!

                      我的行李

            新娘子件件禮服都好靚好性感,我就最鍾意lee件晚裝和造型,晚裝後面個大蝴蝶好靚架!

                   婚紗造型

          九龍灣德藝會個場好靚,除了有個中式大南瓜車提供影相之外,就連一對新人出場的方式都好特別,一對新人會由台下升上台上,好有feel架!

           一對新人等出場其間,就只有我lee個化妝師可以影到lee個場面,因為到到都已經封實晒啦!