係唔係睇到都想嘔呢?

              D blog友見到我地lee篇網誌,都應該睇到想嘔啦!應該會話:又係迪士尼?做左年票姐...都唔駛去到咁盡呀!

               4月27日(星期一)其實lee一日原本都無諗住去迪士尼,因為爸爸前一日先返完消防,一早又扒龍舟訓練,我都都諗住等爸爸返到黎訓一陣,先之出街.但係點知到左12點鐘就收到爸爸電話,爸爸話去迪士尼喎,12點45分到就返到黎接我地啦!咁我同QQ就緊係"嗱嗱聲"妝扮自己啦!

                今次去到迪士尼入場的時候,QQ終於比個女仔問啦!又問佢幾多歲,又問佢邊年出世,答左佢又話QQ望落好高,咁即係點先?又問有冇身份証明文件喎,好彩醒目既爸爸有此一著,帶了出世紙黎但係比佢睇完又慌死張出世紙唔係QQ咁,又問QQ佢叫咩名,不過最後都有比我地入場.,好彩爸爸有帶出世紙咋,如果唔係就要買費入場啦!得2歲半"格硬"比人話夠3歲要買費入場就唔抵啦!好彩咋......

                                 雖然去了好多次迪士尼,但係我仍然都係咁開心和興奮呀!

       爸爸特登買比我食的米老鼠頭壽司,都幾正架!不過D餡料就流流地啦!

        好豐富呀!

                                                       我呢期好鍾意玩小飛象呀!

                                        騎住樸馬睇巡遊,睇得好清楚呀!