lunch buffet & 燒味飯

           2月28(星期6)今日又去食buffet啦!一早起床睇完小熊維尼,媽媽就"嗱嗱聲"幫我換衫,之後就到東涌食lunch buffet,因為婆婆前兩日話好想食buffet,所以媽媽就即刻book位啦!去到之後我又發揮我的勁食精神,由頭食到落尾,由12點幾食到2點半個口都未停過,對於我這個2歲半還是免費的小朋友來講,實在太抵啦!

            開開心心食完之後,同婆婆行陣街街,媽媽就帶我去搵爺爺啦!因為嫲嫲去了澳門玩,得返爺爺一個自己食飯,所以媽媽和我就一齊返去陪爺爺啦!爺爺見到我超開心呀!因為我都有成個星期沒有見爺爺和嫲嫲啦!爺爺仲帶了我到公園玩tim,今日真的過得好充實開心呀!

         一黎就整碗粉先.

         這款雞串我勁鍾意食,我足足食了6串呀!

         睇得陳豪飲咖啡多,我自已都要試一試呀!

          飲飲下水媽媽同我玩,點知我噴到媽媽成面水,勁攪笑呀!

         我今日食第一碟的甜品.

        第2碟甜品,婆婆仲教曉我用刀叉呀!

       勁食甜品遂格播,睇下我個樣幾咁狼.個口食緊一柸另一隻手又攞另一柸呀!

       食完buffet再搵爺爺食晚食,原先爺爺話煮飯比我地食,但係媽媽唔想爺爺辛苦就諗住買兩個小菜返黎,點知爺爺話想食雞鵝飯,咁媽媽就落街買,買完打算返上樓之際,叔叔打電話比媽媽話返黎食叫媽媽預埋佢個份,唉.......早知叔叔返黎食就買幾個小菜啦又唔早講喎!

       攪到要食飯盒,大家個樣都好鬼無耐,睇下叔叔個樣幾兇,我就偏晒咀,爺爺就除左笑笑口都唔知講咩好啦!我諗大家當時都應該好掛住嫲嫲啦!